6 NDAA

Dede ra gule Jesús hasta dxi guti

Dios biseenda ángel Gabriel ra nuu ti baʼdudxaapaʼ guizáʼ nachaʼhuiʼ láʼ María. Ángel riʼ gudxi laabe de que zápabe ti xiiñibe ni zaca rey ne qué ziuu dxi gusaana de guni mandar. Baʼduhuiiniʼ Jesús riʼ gúlebe ndaaniʼ ti currá, raqué yeganna ca pastor que laabe. Despué ti beleguí biluíʼ caadxi hombre zeeda ladu ra rindani gubidxa paraa nuu baʼduhuiiniʼ ca. Zazíʼdinu tu biluíʼ laacabe beleguí riʼ ne ximodo bilá Jesús lu naʼ cani gucalaʼdxiʼ ñuuti laa.

Despué zuuyanu Jesús dxi maʼ napa 12 iza caniʼné ca maistru de ley que ndaaniʼ yuʼduʼ. Dieciocho iza despué la? Jesús guyuunisa, ne bizulúcabe bicheechebe diidxaʼ ne bisiidibe de Reinu stiʼ Dios, purtiʼ para nga nga biseenda Dios laabe lu Guidxilayú riʼ. Gulibe doce hombre ne bíʼnibe laacaʼ apóstol stibe ti gacanecaʼ laabe gúnibe dxiiñaʼ riʼ.

Jesús laaca biʼniʼ milagru. Biyaanabe stale binni ne tuudxi bendahuiiniʼ ne chupa chonna si pan. Bisiándabe binni huará ne gundísabe gueʼtuʼ. Últimu la? zazíʼdinu xi guiráʼ bizaaca Jesús ante gati ne ximodo biiticabe laabe. Jesús bicheechebe diidxaʼ pur chonna iza arondaʼ, nga runi, biaʼsi jma de treinta y cuatro iza rizaa 6 NDAA riʼ.