RAALƐ anwofɛlɛko ɛhye a le Mɛle. Ɔle Yizilayɛnli raalɛ, mɔɔ de Nazalɛte a. Nyamenle ze kɛ ɔle sonla kpalɛ. Ɛhye ati a yezoa ye anwumabɔvolɛ Geebeleɛle kɛ ɔhɔdendɛ ɔhile ye la. Asoo ɛze mɔɔ Geebeleɛle ɛra kɛ ɔbaha yeahile Mɛle la? Maa yɛnlea.

Geebeleɛle zele kɛ: ‘Ɔmɔ mɔɔ Nyamenle ɛlo wɔ a, ahye o! Gyihova nee wɔ de.’ Mɛle ɛtɛnwunle sonla ɛhye ɛlɛ. Ɔ ti akunlu ɛyɛ ye kesee, ɔluakɛ ɔnze deɛ mɔɔ ye ahyebizalɛ ne kile a. Noko ɛkɛ ne ala Geebeleɛle manle ye ahonle dɔle ye azule nu.

Ɔhanle kɛ: ‘Mɛle, mmasulo. Gyihova ɛlo wɔ kpole. Ɛhye ati a ɔbayɛ nwanwane debie yeamaa wɔ la. Ɔnrɛhyɛ ɛbanrenzɛ wɔawo ralɛ nrenya. Na ɛbavɛlɛ ye Gyisɛse.’

Geebeleɛle hɔle zo hilehilele nuhua kɛ: ‘Kakula ɛhye bayɛ kpole, na bɛavɛlɛ ye Anwuma Anwuma Nyamenle ne Ara. Gyihova bayɛ ye belemgbunli kɛmɔ ɛnee Devidi de la. Noko Gyisɛse bali belemgbunli mekɛ mɔɔ ɛnlɛ awieleɛ, na ye belemgbunlililɛ ɛnrɛbɔ aze ɛlɛ!’

Mɛle hanle kɛ: ‘Menze nrenya, na kɛ ɔkɛyɛ na ɛhye ayɛ ɛkɛ ɛ?’

Geebeleɛle buale kɛ: ‘Nyamenle tumi ne baheda ɛ nwo zo. Ɛhye ati bɛbavɛlɛ kakula ne Nyamenle Ara.’ Akee ɔzele Mɛle kɛ: ‘Kakye wɔ busuanli Ɛlezabɛte. Menli hanle kɛ yenyi somaa kɛ ɔkɛwo mralɛ. Noko ɔnrɛhyɛ ɔbawo ralɛ nrenya. Ɛhye ati se wɔnwu ye, debie biala ɛnle ɛkɛ mɔɔ Nyamenle ɛnrɛhola ɛnrɛyɛ a.’

Ɛkɛ ne ala Mɛle hanle kɛ: ‘Gyihova sonvolɛ raalɛ a le me! Mɔɔ wɔha la ɛyɛ zɔ ɛmaa me.’ Anwumabɔvolɛ ne akee hɔle.

Mɛle hanle ɔ nwo hɔkpɔlale Ɛlezabɛte. Mɔɔ Ɛlezabɛte dele Mɛle ane la, ɔ ra ne mɔɔ la ɔ kunlu la vale anyelielɛ hanle ɔ nwo. Nyamenle sunsum ne wolole Ɛlezabɛte, na ɔhanle ɔhilele Mɛle kɛ: ‘Bɛyila wɔ kpole wɔ mraalɛ muala avinli.’ Mɛle nee Ɛlezabɛte dɛnlanle kɛyɛ siane nsa, na akee ɔziale ɔhɔle ye sua nu wɔ Nazalɛte.

Ɛnee bɔ zo mɔɔ nrenya bie mɔɔ bɛfɛlɛ ye Dwosefi la bagya Mɛle a. Na mekɛ mɔɔ Dwosefi nwunle kɛ Mɛle ɛva ɛkolɛ la, ɔzuzule kɛ ɔnle kɛ ɔgya ye. Akee Nyamenle bɔvolɛ ne zele ye kɛ: ‘Mmasulo kɛ ɛkɛva Mɛle ɛkɛyɛ ɛ ye. Ɔluakɛ Nyamenle a ɛmaa yenrenzɛ a.’ Ɛhye ati Dwosefi gyale Mɛle, na bɛhendɛle toonwo bɛwole Gyisɛse.