JESU kimfali ñi rume illkulen (lladkülen) tüfa mu, ¿felelay? ¿Kimimi chumngelu (chemu)? Tüfachi pu wentru mülelu Ngünechen tañi ngillatuwe ruka mew ta Jerusalen, rume diñmatufe ngeyngün. Küpa nentuñmafi rume fentren plata tati pu che küpalu ñi poyeafiel Ngünechen.

¿Pefimi kom tüfachi pu kulliñ ka tati pu ufisa ka palluma? Fey mu, tüfachi pu wentru petu fendefi engün tüfa mu (ngelli) Ngünechen tañi ngillatuwe ruka mu. ¿Eymi kimimi chumngelu? Fey tüfachi pu Israel che duamniengün kulliñ ka üñüm ta chalintükulelafiel ta Ngünechen.

Ngünechen tañi ley feypikefuy kiñe Israel che wedalkalu, mülekefuy ñi wülafiel Ngünechen kiñe chalintükun. Ka dungu mu, kafey, pu Israel che niekefuyngün tañi wültükual engün kiñe chalintükun. Welu ¿chew peafuy engün üñüm ka kulliñ tañi chalintükual engün?

Kiñeke ngen-ngekefuyngün üñüm mu ka kulliñ mu tañi mañümtual. Welu alün Israel che niekelafuy engün kulliñ ka üñüm. Ka rume kamapu mülekefuy engün Jerusalen mu, pepi küpalkelafuy engün küpalal kiñe kulliñ Ngünechen tañi ngillatuwe ruka mu. Fey mu tati pu che faw küpakefuy ka ngillakefuy pu kulliñ ka pu üñüm. Welu tüfachi pu wentru mütre alün kofrakefuy engün plata fey mu. Weñekefuwi engün tati pu che. Kafey Ngünechen tañi ngillatuwe ruka mu, fendekenoafulu engün.

Tüfachi dungu mu illkulkafi (lladkülfi) ta Jesu. Fey mew ütrüfrulpañmafi tañi mesa chew müley tati plata, widpüñmafi ñi moneda engün. Fey mu, fey dewmay kiñe refengke ka nentufi tati kulliñ ngillatuwe ruka mu. Feypifi tati kom fendekelu pu palluma: ‘¡Entufimün faw! Femmekewekilmün tañi Chaw ñi ruka mew chew entual ta alün plata.’

Kiñeke ñi inanieetew müley Jesu engün tüfa ti ngillatuwe ruka Jerusalen mew. Afmatuy engün ta Jesu ñi femün. Fey mew tukulpayngün ta Biblia feypi Ngünechen tañi Fotüm: ‘Tañi piwkeyeel tami ruka Ngünechen mu üyay kütral reke.’

Jesu petu mülelu Jerusalen kawiñ Paskua mu, femi alün afmatun dungu. Fey mew, Jesu tripay Judea mu, ka wiñotuy ta Galilea. Welu rupay Samaria trokiñ mapu. Peafiyiñ chumi fey mu.