TAN-AWA si Jesus nga nagpanudlo ning tanang mga tawo sa ibabaw sa usa ka bukid sa Galilea. Kanang naglingkod sa duol kaayo kaniya mao ang iyang mga tinun-an. Nagpili siyag 12 kanila nga mahimong apostoles. Ang mga apostol maoy espesyal nga mga tinun-an ni Jesus. Nahibalo ka ba sa ilang mga ngalan?

Anaa si Simon Pedro ug ang iyang igsoong si Andres. Unya anaa si Santiago ug Juan, kinsa maoy managsoon usab. Anaa usab ang laing Santiago, ug ang laing gitawag Simon. Duha ka apostol ginganlan Judas: si Judas Iscariote, ug ang laing Judas (usab ginganlan Tadeo). Unya anaa si Felipe ug Nataniel (usab gitawag Bartolome), ug si Mateo ug si Tomas.

Human mahiuli gikan sa Samaria, si Jesus misugod sa pagwali: ‘Ang gingharian sa mga langit haduol na.’ Nahibalo ka ba kon unsa ang gingharian? Ang gingharian maoy usa ka tinuod kagamhanan sa Diyos. Si Jesus mao ang hari niini. Siya magmando gikan sa langit sa pagdala sa pakigdait ug paghimo sa yuta nga usa ka paraiso.

Si Jesus dinhi nagtudlo sa katawhan mahitungod sa gingharian. ‘Kini ang paagi sa inyong pag-ampo,’ misaysay siya. ‘Amahan namo anaa sa langit, pasagding imong ngalan mapasidunggan. Umanhi ang imong gingharian. Pasagding matuman ang imong pagbuot sa yuta, maingon sa langit.’ Kini gitawag ‘Ang Pag-ampo sa Ginoo,’ o ang ‘Amahan Namo.’

Si Jesus nagtudlo usab sa katawhan sa pagtratar sa uban nga maluluton. ‘Buhata sa uban ang gusto mong buhaton nila diha kanimo,’ matod niya. Dili ba maoy kahibulongan diha sa paraisong yuta, sa dihang ang tanan magabuhat niini?