HETA Isua thu hi en teh. Heng mite zawng zawng hi Galili-a tlang chungah a zirtir a ni. Amah hnaih bera thute hi a zirtirte an ni a. Tirhkohte ni turin an zinga 12 a thlang tawh a. Tirhkohte chu Isua zirtir bikte an ni. An hming i hria em?

Simon Petera leh a unau Andria an awm a. Tin unau ve bawk, Jakoba leh Johana an awm a. Tirhkoh dang chu a hming Jakoba bawk a ni a, a dang pakhat pawh Simona tih a ni bawk. Tirhkoh pahnih chu Juda vuah an ni a. Pakhat chu Juda Iskariota a ni. A dang chu Thaddaia vuah a ni. Tin Philipa leh Nathanaela (Bartholomaia an tih bawk) leh Matthaia leh Thoma an awm bawk.

Samaria atanga a lo kir leh hnuah, lsuan: ‘Van ram a hnai e,’ tiin thu a hril tan ta a. Chu ram chu enge ni i hria em? Pathian awpna taktak a ni a. Isua chu a lalber a ni. Van atangin a awp ang a. Leilung pum pui hi paradis mawi takah Pathian ram chuan a chantir ang.

Hetah hian Isuan ram chanchin chu mite a zirtir mek a. ‘Hei hi in tawngtai dan tur a ni. ‘Kan Pa vana mi, i hming zahawm rawh se. I ram lo thleng rawh se. I duhzawng vana an tih angin leia min ti rawh se,’ tiin a hrilhfiah a. Mi tam takin hei hi ‘Lalpa Tawngtaina‘ an vuah a. A dangin ‘Kan Pa‘ an vuah a. Tawngtaina chu i hre chhuak vek em?

Isuan mite chu an intihtawn dan tur pawh a zirtir a. ‘I tana an tih i duh ang chu mi dang tan ti rawh,’ tiin. Mi dangin ngilnei taka i chunga an tih i duh lawm ni? Chuvangin mi dang chungah ngilnei takin kan ti tur a ni, Isuan a ti. Paradis-ah mi tinin chu chu an tih hunah chuan mak tih tham a ni dawn lawm ni?