91-нҗи хекая

Иса дагда вагыз эдйәр

ИСА серет. Ол Җелиледәки дагда адамлара вагыз эдйәр. Исаның голайында отуранлар шәгиртлери. Олар 12 ресул. Ресуллар Исаның айратын шәгиртлери. Оларың адыны билйәңми?

Симун Петрус ве доганы Андреас. Бейлеки доганлар Якуп билен Яхя. Ики ресулының ады болса Якуп ве Симун. Ене-де ики ресулының ады Иуда. Оларың бириниң ады Иуда Искариот, бейлекисиниң ады болса Иуда Таддеус. Бейлеки ресулларының ады: Филипус, Натанаел (шейле хем оңа Бартоломеус диййәрлер), Матта ве Томас.

Иса Самариядан гелип: «Гөклердәки патышалык голайлады» дийип, вагыз эдип башлаяр. Патышалыгың нәмедигини билйәңми? Патышалык — Худайың хөкүмети. Иса болса шол хөкүметиң патышасы. Иса гөкден патышалык эденде ерде парахатлык болар. Худайың патышалыгында ер йүзи аҗайып Җеннете өврүлер.

Иса адамлара патышалык барада өвредйәр. Шонуң үчин ол шейле диййәр: «Шейле дога эдиң. Эй гөклердәки Атамыз! Адыңа хормат гойсунлар. Патышалыгың гелсин. Сениң ислегиң гөкде-де, ерде-де ерине етсин» дийип, Иса дога этмеги өвретди. Көп адамлар оңа «Реббиң догасы» диййәр. Кәбирлери болса «Нусгалык дога» диййәрлер. Шу доганы долы гайталап билҗекми?

Шейле-де Иса адамлар билен нәхили гатнашык этмелидиги барада өвретди. Ол: «Адамларың өзүңизе нәме этмегини ислейән болсаңыз, сиз хем олара шоны эдиң» дийди. Бири ягшылык этсе, эйсем саңа яранокмы? Шонуң үчин Иса бизиң адамлар билен говы гатнашыкда болмалыдыгымызы айтды. Сениң акйүрекли адамлар билен аҗайып Җеннетде яшасың гелйәр герек?

Матта китабының 5—7-нҗи баплары; 10:1—4.