RRI Jesu etenẹ nọ ọ rehọ obọ gbalọ ọmọzae ọsese na. Whọ rẹ sae ta nọ Jesu ọ be ghinẹ sẹro emaha na. Ahwo nọ a rọ ughe na yọ ikọ riẹ. Eme Jesu ọ be ta kae na? J’oma gwọliẹe via.

Jesu avọ ikọ riẹ a nwani no erẹ othabọ ze obọna. Ikọ na etẹ jọ omoma rai jẹ vro avro obọ edhere. Fikiere nọ a te uwou no Jesu ọ tẹ nọ ae nọ: ‘Eme wha jẹ vro avro kpahe obọ edhere?’ Uzẹme nọ, Jesu ọ riẹ oware nọ a jẹ vro avro kpahe na. Rekọ ọ tẹ fa ke nọ onọ na sọ ikọ riẹ e rẹ sae ta kẹe.

Ikọ na ekẹ uyo ho, keme na avro ọnọ ọmae jọ evie rae rro ọye a jẹ vro evaọ obọ edhere. Ikọ jọ e gwọlọ nọ i re wo uzou vi edekọ. Kọ ẹvẹ Jesu ọ be te rọ ta kae nọ ufore a gwọlọ ọnọ ọmae rro ho?

O te se ọmọzae ọsese na, ọ tẹ rehiẹe dikihiẹ obọ aro rai kpobi. Kọ oke oye ọ ta kẹ ilele riẹ nọ: ‘Uzẹme nọ mẹ gwọlọ nọ wha riẹ onana, wha gbe nwene ze wọhọ emaha esese he, wha rẹ sae ro uvie Ọghẹnẹ hẹ. Ohwo nọ ọmaero evaọ uvie na họ ọnọ ọ ze wọhọ ọmọ nana.’ Whọ riẹ onọ osoriẹ nọ Jesu ọ jẹ ta onana?

Whaọ, ọnọ ọmaero hayo ọnọ o wo uzou vi edekọ orẹ kẹ emaha esese uye he. Fikiere kọ evaọ edhere ọnana ikọ na a je wuhrẹ re a jọ wọhọ emaha a gbẹ whọ fiki ẹruọ hayo uzou u wo ho.

Eke efa buobu erọ, re, nọ Jesu ọ jọ dhesẹ epanọ ọ sẹro emaha esese na te. Emera kakao evrẹ no ahwo jọ a tẹ rehọ emọ rae ze re a ruẹ Jesu. Ikọ na a tẹ be daoma re a lai vrẹ. Rekọ Jesu ọ tẹ ta kẹ ikọ riẹ nọ: ‘Wha jọ emaha na ibromẹ ze, wha whahae he, keme ahwo nọ a wọhe rai ae a wo uvie Ọghẹnẹ.’ Jesu ọ tẹ wọ emọ na fihọ abọ riẹ, ọ tẹ ghalae. Kọ u gbe woma re a riẹ nnọ Jesu o you emaha esese?