94-нҗи хекая

Иса чагалары сөййәр

ИСАНЫҢ огланҗыгы гуҗаклап дуршуна серет. Гөрйәңми, Иса чагаларың аладасыны эдйәр. Оңа середип дуран адамлар болса ресуллары. Иса олара нәме диййәркә? Гел, билели.

Иса ве ресуллары яңы узак ёлдан гелипдилер. Ёлда ресулларың арасында җедел турупды. Шонуң үчин Иса олардан: «Ёлда нәме хакда җедел этдиңиз?» дийип сораяр. Аслында, Иса оларың нәме хакда җедел эдйәнини билйәрди. Йөне Иса оларың догрусыны айтҗагыны я айтмаҗагыны билмек үчин сорады.

Ресуллар җогап бермедилер, себәби ёлда кимиң улудыгы хакда җедел эдипдилер. Оларың кәбири бейлекилерден улы болҗак боляр. Иса олара шейле пикириң нәдогрудыгыны нәдип дүшүндиреркә?

Ол бир огланҗыгы янына чагырып, ресулларың өңүнде дурузды-да: «Мен сизиң бир зада дүшүнмегиңизи ислейәрин. Эгер-де дүзелип, чагалар ялы болмасаңыз, Худайың патышалыгына гирмерсиңиз. Ким шу чага ялы болса, патышалыкда шол хем иң улы болар» дийди. Иса нәме үчин бейле дийдикә?

Чагалар улы я абрайлы болмак барада пикир этмейәр. Шонуң үчин ресуллар чагалардан гөрелде алып, кимиң улудыгы я абрайлыдыгы хакда җедел этмели дәлдилер.

Иса чагалар барада алада эдйәндигини бирнәче гезек гөркезипди. Бирнәче айдан кәбир адамлар Исаның янына чагаларыны гетирйәр. Ресуллар болса чагалары Исаның янына гойбермейәрлер. Йөне Иса ресуллара: «Чагалар яныма гелсин, олары сакламаң, себәби Худайың патышалыгына шулар ялылар гирер» диййәр. Соңра Иса чагалары гуҗаклап, олара ак пата берйәр. Исаның чагалары сөййәндиги, эйсем, сени бегендирмейәрми?

Матта 18:1—4; 19:13—15; Маркус 9:33—37; 10:13—16.