UTÉENJEAKILEʼ Jesuseʼ tiaʼalaj tiʼ utúul máak kʼaʼabéet u yaabiltik u yéet láakʼil. Le máakoʼ tu kʼáatajtiʼ: ¿Máax in wéet láakʼil? Jesuseʼ u yojel baʼax ku tuklik le máakaʼ, ku tuklikeʼ u yéet láakʼileʼ chéen letiʼe u yéet chʼiʼibaloʼoboʼ yéetel u yéet religióniloʼoboʼ. Le oʼolaleʼ koʼox ilik baʼax aʼalaʼabtiʼ tumen Jesús.

Yaan kʼiineʼ ku meyaj tiʼ Jesús upʼéel tsikbalil utiaʼal u kaʼansaj. Beooraaʼ bey úuchik u kaʼansajoʼ. Tu tsolaj u tsikbalil utúul judío yéetel utúul samaritano. Tsʼoʼok k-kankeʼ u maas yaʼabil le judíoʼoboʼ u pʼekmoʼob le samaritanoʼoboʼ. Lelaʼ letiʼe baʼax tu tsikbaltaʼ:

Utéenjeakil táan u yéemel utúul judío tiʼ upʼéel bej tu witsil Jericoeʼ, lúub tu kʼab j-ookoloʼob. Chʼaʼab u taakʼin, tsʼoʼoleʼ ka loʼoloxaʼabi ka máan tak u kíimsaʼal.

Maʼ sáam túuneʼ, ka máan utúul j-kʼiin teʼ bejoʼ. Tu yilaj le máak loʼoloxaʼanoʼ. ¿Baʼax ka tuklik tu beetaj? Tu tséelteʼ ka tu chʼaʼajoʼoltaj u bin. Ka tsʼoʼokeʼ máan xan uláakʼ utúul máak jach u kʼubmaj u yóol tiʼ u religión, utúul levita. ¿Waʼalaj wa u yáant le máakoʼ? Maʼatech. Jeʼex a wilik teʼ dibujoaʼ le j-kʼiin yéetel le levitaoʼ tsʼoʼok u náachtaloʼob.

Baʼaleʼ ilawil máax yaan yiknal le máak loʼoloxaʼaboʼ. Utúul samaritano. Táan u yáantik le judíooʼ. Tu tsʼakaj u yajiloʼob. Ka tsʼoʼokeʼ tu bisaj tiʼ upʼéel kúuchil utiaʼal u páajtal u jeʼelel yéetel u yutstal.

Ka tsʼoʼok u tsolik Jesús le tsikbalilaʼ, tu kʼáataj tiʼe máax beet le kʼáatchiʼ tiʼeʼ: Beooraaʼ, ¿máax a tuklik tu beetuba éet láakʼil tiʼe máak loʼoloxaʼaboʼ? ¿Le j-kʼiinoʼ, le levitaoʼ, wa le samaritanoʼ?

Le máakoʼ tu núukaj: Letiʼe samaritano. Tumen tu yeʼesaj u yutsil tiʼe máak loʼoloxaʼaboʼ.

Jesuseʼ tiaʼalaj: Jach beyoʼ. Le beetik túuneʼ, xeen, beet tiʼ uláakʼ máakoʼob jeʼex tu beetaj letiʼoʼ.

¿Uts ta wich wa bix u kaʼansaj Jesús? Yaʼab baʼaloʼob jeʼel u páajtal k-kanik tiʼe tʼaanoʼob tu beetaj Jesús tsʼíibtaʼan ichil le Bibliaoʼ.