98-нҗи хекая

Зейтун дагында

ОЛАР Зейтун дагында отуран Иса ве дөрт ресулы Петрус ве доганы Андреас, Якуп ве доганы Яхя. Узакдан гөрүнйән җайлар — Худайың Иерусалимдәки ыбадатханасы.

Исаның тайхара мүнүп, Иерусалиме геленине ики гүн болды. Шу гүн хепдәниң икинҗи гүни. Иса эййәм ыбадатханада болупды. Шонда руханылар оны тутуп, өлдүрҗек болдулар. Эмма адамлардан горкдулар, себәби олар Исаны говы гөрйәрди.

Иса дини ёлбашчылара: «Йыланлар ве йыланың чагалары!» дийди. Шейле-де Худайың олара җеза берҗегини айтды, себәби олар көп эрбет иш эдйәрдилер. Соңра Иса Зейтун дагына чыкды. Шол ерде дөрт ресулы оңа сораг берйәр. Оларың нәме сораныны билйәңми?

Ресуллар гелеҗек барада сорадылар. Олар Исаның ер йүзүнден эрбетлиги ёк этҗегини билйәрди. Йөне олар шонуң хачан болҗагыны билмек ислейәрлер. Иса хачан гайдып гелер ве хачан патыша болар?

Иса гайдып геленде, шәгиртлериниң оны гөрүп билмеҗегини билйәрди. Себәби Иса гөкде болмалы. Гөкде болса оны гөрүп болмаяр. Шонуң үчин Иса гөкде патыша боланда, ер йүзүнде нәхили вакаларың болҗагыны ресулларына гүррүң берйәр. Нәхили вакалар болмалыка?

Иса улы урушларың, кеселчилигиң, ачлыгың болҗагыны, җенаятчылыгың көпелҗегини ве улы ертитремелериң болҗагыны айтды. Шейле хем, Иса Худайың патышалыгы барадакы хош хабарың бүтин ер йүзүнде вагыз эдилҗегини айтды. Шу вакалар шу гүнлер болярмы? Элбетде! Шонуң үчин биз Исаның гөкде патышалык эдйәнине ынанярыс. Тизден ол ер йүзүнден эрбетлиги ёк эдер.

Матта 21:46; 23:1—39; 24:1—14; Маркус 13:3—10.