KWARĨ mũthenya wa Kana ũtukũ, thutha wa mĩthenya ĩĩrĩ kũhĩtũka. Jesu na atũmwo ake 12 nĩ matonyire thĩinĩ rumu nyũmba ĩyo nene ya ngoroba kũrĩa irio cia Bathaka. Mũndũ ũyũ mũrona akiuma nĩ Judasi Mũisikariota. Arathiĩ kwĩra athĩnjĩri-Ngai ũrĩa mangĩhota kũnyita Jesu.

Mũthenya ũmwe mbere-rĩ, Judasi aathire kũrĩ o akĩmoria atĩrĩ: ‘Nĩkĩ mũkũhe nĩ getha ndĩmũne Jesu?’ Makĩmũcokeria atĩrĩ: ‘Mbia cia betha mĩrongo ĩtatũ.’ Kwoguo Judasi arathiĩ gũtũnga andũ acio nĩguo amatware kwĩ Jesu. Na githĩ ũguo ti ũũru mũno?

Irio cia Bathaka igĩthira. Na rĩu Jesu akĩambĩrĩria irio ingĩ cia mwanya. Enyũrĩire atũmwo ake mũgate akiuga atĩrĩ: ‘Rĩai, tondũ ũyũ nĩguo mwĩrĩ wakwa ũkũneanwo nĩũndũ wanyu.’ Thutha-inĩ akĩmane gĩkombe kĩa ndibei na akiuga: ‘Nyuai, tondũ ĩno nĩyo thakame yakwa, ĩrĩa ĩgũitwo nĩ ũndũ wanyu.’ Biblia ĩciĩtaga ‘irio cia Mwathani cia hwaĩ-inĩ,’ kana ‘irio cia Mwathani.’

Aisiraeli maarĩaga Bathaka nĩguo ĩmaririkanie rĩrĩa mũraika wa Ngai ‘aagararire’ nyũmba ciao thĩinĩ wa Misiri, no ĩndĩ akĩũraga marigithathi thĩinĩ wa nyũmba cia Amisiri. Rĩu Jesu eendaga arũmĩrĩri ake mamũririkanage, na ũrĩa aarutire muoyo wake nĩ ũndũ wao. Na nĩkĩo gĩtũmi aamerire makũngũyagĩre irio icio cia mwanya mwaka o mwaka.

Maarĩkia kũrĩa Irio cia Mwathani cia Hwaĩ-inĩ, Jesu akĩĩra atũmwo ake magĩe na ũũmĩrĩru na ningĩ magĩe na hinya thĩinĩ wa wĩtĩkio. Mũthia-inĩ, makĩinĩra Ngai nyĩmbo na magĩthiĩ. Rĩu nĩ ũtukũ mũno, kwahoteka nĩ ũtukũ gatagatĩ. Ta reke tuone kũrĩa merekeire.