TUNAH ni hnih hnu, Ningani zan a ni. lsua leh a tirhkoh 12-te chu Kalhlen Kut chaw ei turin he inchhawng pindan zau takah hian an lo kal a. Kal chhuak mek mipa i hmuh hi Juda Iskrlota a ni. Isua an man theih dan tur puithiamte hrilh turin a kal a ni.

A hma niah Juda chu an hnenah a kal tawh a: ‘lsua ka mantir che u chuan enge mi pek ang?’ tiin a zawt a. ‘Tangka cheng sawmthum,’ an ti a. Chuvangin Isua hnena anmahni a hruai theihna turin chung mite chu hmu turin Juda a kal ta a ni. Chu chu a rapthlak lawm ni?

Kalhlen Kut chaw chu a zo ta a. Mahse Isuan chaw pawimawh bik dang a buatsaih leh a. A tirhkohte chu chhang tlang a pe a: ‘Ei rawh u, hei hi ka taksa in aia pek tura chu a ni,’ a ti a. Tin uain no a pe a; ‘In rawh u, hei hi in tana chhuak tur ka thisen tihna a ni si a,’ a ti a. Bible-in hei hi ‘Lalpa zanriah‘ a vuah a.

Israel-mite chuan, Pathian vantirhkohvin Aigupta-a an inte ‘kal hlen‘ a, Aigupta-mite ina fa tir a tihhlum lai hriat nawntir turin Kalhlen Kut chaw an ei a. Mahse tunah chuan Isuan a zuitute chu amah leh an tana a nunna a pekzia hrereng turin a duh a. Chuvang chuan kum tin he zanriah pawimawh bik hun hi hmang turin anmahni a hrilh a.

Lalpa zanriah ei hnuah, Isuan a tirhkohte chu huai leh rinnaa chak turin a fuih a. A tawpah, Pathian hnenah hla an sa a, an kal chhuak ta a. A tlai tawh hie a, zanlai a pel tawh mai thei. Khawiahnge an kal i en ang u.