MI GBAMI 7
Kɛ Je Yesu Si Temi Nɔ Kɛ Ya Su Paulo Tsu Womi Nɔ
A tle Yesu si ngɛ e gbenɔ se ligbi etɛne ɔ nɔ. Jamɛ a ligbi ɔ, e je e he kpo kɛ tsɔɔ e se nyɛɛli ɔmɛ si enuɔ. Yesu ya nɔ nɛ e je e he kpo kɛ tsɔɔ mɛ ligbi 40. Lɔɔ se ɔ, Yesu ho hiɔwe ya benɛ e kaseli ɔmɛ ekomɛ ngɛ lɛ hyɛe. Ligbi nyɔngma se ɔ, Mawu ha mumi klɔuklɔu ba Yesu se nyɛɛli nɛ a ngɛ mlɛe ngɛ Yerusalem ɔ nɔ.
Pee se ɔ, Mawu henyɛli ha nɛ a nu bɔfo ɔmɛ kɛ wo tsu, se hiɔwe bɔfo ko ba je mɛ kɛ je tsu ɔ mi. Henyɛli komɛ fiaa Stefano tɛ nɛ e gbo. Se wa maa na bɔnɛ Yesu hla henyɛli nɛ ɔmɛ a kpɛti nɔ kake kɛ pee e sɔmɔlɔ pɔtɛɛ ha. Nɛ lɛ ji nɔ nɛ ba plɛ pee bɔfo Paulo ɔ nɛ. Kɛkɛ nɛ jeha etɛ kɛ fã se ngɛ Yesu gbenɔ se ɔ, Mawu tsɔ bɔfo Petro nɛ e ya fiɛɛ kɛ ha Kornelio nɛ e pi Yudano ɔ kɛ e we mi bi.
Maa pee jeha 13 se ɔ, Paulo je e blɔ hiami fiɛɛmi nítsumi ɔ sisi. Timoteo piɛɛ e he ngɛ e blɔ hiami enyɔne ɔ mi. Wa maa kase bua jɔmi nɛ Paulo kɛ e blɔ hiami he piɛɛli ɔmɛ ná ngɛ a Mawu sɔmɔmi mi ɔ he ní. Nyagbe ɔ, a wo Paulo tsu ngɛ Roma. Jeha enyɔ se ɔ, a ngmɛɛ e he, se pee se ɔ, a nu lɛ kɛ wo tsu ekohu nɛ a gbe lɛ. Níhi nɛ ya nɔ ngɛ Mi Gbami KPAAGO nɛ ɔ mi ɔ, ngɔ maa pee jeha 32.
NGƐ FA NƐ Ɔ
NÍ KASEMI 102
Yesu Hɛ Ngɛ
Benɛ bɔfo ko kpɛne tɛ ɔ ngɛ Yesu yɔkɔ ɔ nya a, buli ɔmɛ nɛ a ngɛ yɔkɔ ɔ he bue ɔ a he mi po ngɛ nɔ́ nɛ a na a he.
NÍ KASEMI 103
E Ya Sɛ Tsu Nɛ A Ngmɛ Nya Mi
Mɛni he je nɛ Yesu kaseli ɔmɛ yo we lɛ benɛ a tle lɛ si ɔ?
NÍ KASEMI 104
Yesu Kpale Kɛ Ho Hiɔwe Ya
Loko Yesu maa ho hiɔwe ya a, e kɛ nyagbe fami ha e kaseli ɔmɛ.
NÍ KASEMI 105
A Mlɛ Ngɛ Yerusalem
Mɛni he je nɛ Yesu plɛ mumi klɔuklɔu ɔ kɛ pue e kaseli ɔmɛ a nɔ ngɛ Pentekoste ligbi ɔ nɔ ɔ?
NÍ KASEMI 106
A Je Mɛ Kɛ Je Tsu Mi
Jami nya dali ɔmɛ wo bɔfo ɔmɛ tsu bɔ nɛ pee nɛ a kpa fiɛɛmi, se pi jã ji Mawu susumi.
NÍ KASEMI 107
A Fiaa Stefano Tɛ
Be mi nɛ a ngɛ Stefano yi mi wae ɔ, e sɔle sɔlemi ko nɛ sa kadimi wawɛɛ.
NÍ KASEMI 109
Petro Ya Kornelio Ngɔ
Anɛ Mawu naa nihi nɛ e slo a he womi nɔ su aloo a je ma pɔtɛɛ ko nɔ ɔ kaa a he hia pe ni kpahi lo?
NÍ KASEMI 110
Timoteo—Paulo Yemi Kɛ Bualɔ Ehe
Timoteo je we mi kɛ ya piɛɛ Paulo he nɛ a hia blɔhi nɛ a kɛ bua jɔmi ya fiɛɛ.
NÍ KASEMI 111
Jokuɛ Nyumuyo Nɛ Hwɔ Mahe ɔ
Eutiko hwɔ mahe benɛ Paulo ngɛ e kekleekle munyu tue ɔ, se pi benɛ e ngɛ munyu enyɔne ɔ tue ɔ. Nɔ́ nɛ ya nɔ ngɛ munyu enyɔ ɔmɛ a kpɛti ɔ ngɛ nyakpɛ.
NÍ KASEMI 112
Lɛ ɔ Ya Butu Ngɛ Zugba Kpɔ Ko Nɔ
Be mi nɛ nihi a hɛ nɔ kami tã a, jamɛ a be ɔ mi nɛ Paulo ná sɛ gbi kɛ je Mawu ngɔ nɛ e wo a hemi kɛ yemi mi he wami.
NÍ KASEMI 113
Paulo Ngɛ́ Roma
Mɛni blɔ nɔ Paulo ma nyɛ maa gu kɛ tsu e ní tsumi kaa bɔfo be mi nɛ a wo tsu?
