KABTANG 7
Pagkabuhay Liwat ni Jesus Sagkod sa Pagkapreso ni Pablo
Sa ikatulong aldaw pagkagadan ni Jesus, binuhay siya liwat. Kan aldaw na iyan, limang beses siyang nagpahiling sa mga disipulo. Padagos na nagpahiling si Jesus sainda sa laog nin 40 aldaw. Dangan, mantang nagmamasid an mga disipulo, nag-itaas si Jesus sa langit. Pakalihis nin sampulong aldaw, ibinubo nin Diyos an banal na espiritu sa mga parasunod ni Jesus na yaon sa Jerusalem.
Paghaloy-haloy, ipinapreso kan mga kaiwal nin Diyos an mga apostol, alagad pinalibre sinda nin sarong anghel. An disipulong si Esteban ginapo nin mga parakontra sagkod na magadan. Pero mahihiling ta na pinili ni Jesus an saro sa mga parakontrang ini na magin espesyal na lingkod niya, na kan huri namidbid bilang si apostol Pablo. Tulo may kabangang taon pagkagadan ni Jesus, isinugo nin Diyos si apostol Pedro tanganing ipahayag an maugmang bareta sa bakong Judiong si Cornelio asin sa pamilya kaini.
Pakalihis nin 13 taon, pinunan ni Pablo an inot niyang pagbiyahe para ipahayag an maugmang bareta. Sa ikaduwa niyang pagbiyahe, nag-iba si Timoteo. Maaaraman ta an pambihirang mga eksperyensiya ni Pablo asin kan kairiba niya sa pagbiyahe. Kan huri, napreso si Pablo sa Roma. Pakalihis nin duwang taon pinaluwas siya, pero napreso giraray siya asin ginadan. Bali mga 32 na taon an lawig nin mga pangyayari sa KABTANG SIYETE.
SA SEKSIYON NA INI
ISTORYA 102
Buhay si Jesus
Pagkatapos na paligidon kan anghel an gapong ipinansara sa lulubngan ni Jesus, nagkabirigla an mga suldados na nagbabantay sa nahiling ninda sa laog.
ISTORYA 103
Paglaog sa Nakabarat na Kuwarto
Taano ta dai namidbid si Jesus kan mga disipulo niya pagkatapos na buhayon siya liwat?
ISTORYA 104
Nagbalik si Jesus sa Langit
Bago si Jesus nagsakat sa langit, tinawan niya an saiyang mga disipulo nin ultimong pagbuot.
ISTORYA 105
Naghahalat sa Jerusalem
Taano ta ibinubo ni Jesus an banal na espiritu sa mga disipulo kan Pentecostes?
ISTORYA 106
Pinaluwas sa Presuhan
Ipinapreso kan Judiong mga lider nin relihiyon an mga apostol para papunduhon an paghuhulit ninda, pero may ibang nasa isip an Diyos.
ISTORYA 108
Sa Dalan Pa-Damasco
Binago kan sarong nakakabutang liwanag asin boses hali sa langit an buhay ni Saulo.
ISTORYA 110
Si Timoteo—Bagong Katabang ni Pablo
Naghali si Timoteo sa harong para mag-iba ki Pablo sa sarong nakakaugmang pagbiyahe tanganing maghulit.
ISTORYA 111
Sarong Solterito na Nakaturog
Nakaturog si Eutico kan inot na pahayag ni Pablo, pero dai na siya giraray nakaturog kan ikaduwang pahayag kaini. Sarong milagro an nangyari durante kan duwang pahayag na iyan.
ISTORYA 112
Suminadsad sa Sarong Isla
Kan garo baga dai nang paglaom an gabos, nakaresibi si Pablo nin sarong mensahe hali sa Diyos na nagtao saiya nin paglaom.
ISTORYA 113
Si Pablo sa Roma
Paano ni Pablo magigibo an saiyang gibuhon bilang apostol mantang siya nakapreso?
