CHIHANDA 7
Chize ha Uhindukilo wa Yesu ndo ha Ufunge wa Paulu
Muze Yesu afwile, ha tangwa liamuchitatu yamuhindwisa. Ha tangwa liacho iye yasoloka kuli tumbaji twenyi ha yisuho yitano. Yesu yanunga ni kusoloka kuli ayo ha 40 a matangwa. Hi muze tumbaji twenyi te anamutala iye yazezuka mu malilu. Ha kupalika cha 10 lia matangwa Zambi yahana spiritu musandu kuli tumbaji twa Yesu waze te anashimbwila mu Yerusaleme.
Mba hi akwa kole ja Zambi yatuma kukwata apostolo hanga aase mu zuwo lia ususu, alioze umwe mungelo yaatusula. Kambaji Eshetevau yamwasa mawe kuli akwa kole ndo ha kufwa chenyi. Alioze yetwe mutulilongesa chize Yesu anakasakula umwe wa kuli akwa kole jacho hanga apwe kavumbi kenyi mupema, nawa iye yapwa postolo Paulu. Ha kupalika cha miaka yitatu ni chipinji muze te Yesu hafwa, Zambi yatuma postolo Petulu hanga ambujole sango jipema kuli umwe mutu yoze te hi Ka-Yunda ko mwe Koneliu hamwe ni asoko jenyi.
Ha kupalika cha miaka 13 Paulu yaputuka wenyi utangu wa kwambujola sango jipema. Ha wenyi wamuchiali Timoteu yamukaula. Yetwe mutulilongesa chize Paulu ni masepa jenyi a wenyi anakapwa ha mashimbu apema ni akalu mu mulimo wa Zambi. Hi kusongo, Paulu yamusa mu zuwo lia ususu mu Roma. Ha kupalika cha miaka yaali yamutusula, alioze yamusa nawa mu zuwo lia ususu kamuchiali hi yamushaha. Yishima yino yili ha CHIHANDA 7 yinakalinga unji wa 32 a miaka.
HA CHINO CHIHANDA
CHISHIMA 102
Yesu Kali ni Mwono
Muze umwe mungelo achijile liwe ku fuka lia Yesu, maswalale yakomoka chinji ni yize amwene mukachi ka fuka.
CHISHIMA 103
Mu Chimwe Chipatulo cha Kuyika
Mumu liaka tumbaji a Yesu kahashile kumusa chinyingi muze iye ahindukile ku kufwa?
CHISHIMA 104
Yesu Kanafuna mu Malilu
Shimbu te Yesu kanda achiya mu malilu, yahana umwe usongwelo wa kasula kuli tumbaji jenyi.
CHISHIMA 105
Kanatwaminyina mu Yerusaleme
Mumu liaka Yesu ahanyine spiritu yisandu kuli tumbaji jenyi ku Pentekoste?
CHISHIMA 106
Haatusula mu Zuwo lia Ususu
Mangana a yingeleja a mu Yundeya yaasa apostolo mu zuwo lia ususu hanga eche kulinga mulimo wa kwambujola, alioze nyonga lia Zambi lialisa chinji ni nyonga lia atu
CHISHIMA 108
Mu Jila ya Ndamaseku
Limwe pangu linene ni limwe liji lize liakatukile mu malilu, yilialumuna mwono wa Saulu.
CHISHIMA 109
Petulu Yaya ni Kumeneka Koneliu
Shina Zambi kakumona ngwe atu aku munyachi umwe hanji vungu limwe kali alemu kuhiana akwo?
CHISHIMA 110
Timoteu—Chikwashi Mwaha Wa Paulu
Timoteu kahichikile zuwo lienyi hanga aye hamwe ni Paulu mu mulimo wa kwambujola.
CHISHIMA 111
Umwe Mukweze Yaya Mutulo
Utecho kapombele muze Paulu te anahanjika pande jenyi jitangu alioze kakapombele ha pande jamuchiali. Yuma yize yalingiwile ha pande jino jaali japwile chikomokeso.
CHISHIMA 112
Kushimbama cha Ulungu ha Limwe Tungu
Muze atu eswe te hatokesa kutalatala cho, Paulu yatambula sango ja Zambi jize jamwehele kutalatala.
CHISHIMA 113
Paulu mu Roma
Kuchi Paulu te akuhasa kulinga mulimo wenyi wa kwambujola shimbu te uchili mu zuwo lia ususu?
