ṬHEN 7
Jesuh Thawhṭhannak in Paul Thong Tlaknak tiang
A thih hnu ni thumnak ni ah Jesuh cu a tho ṭhan. Cu ni ahcun a zultu hna sin ah can dangdang ah voi nga a lang. Jesuh cu ni 40 chung an sin ah a lang lengmang. A hnu ah a zultu cheukhat nih an zoh ko lio ah, Jesuh cu vancung ah a kai. Ni hra hnu ah Pathian nih Jerusalem in a hngak mi Jesuh zultu hna cung ah a thiangthlarau a run toih hna.
Khi hnu ah Pathian ral hna nih lamkaltu pawl kha thong chung ah an thlak hna. Sihmanhsehlaw annih cu vancungmi nih a luatter ṭhan hna. A ralchan mi hna nih zultu Steven kha lung in thi lak in an cheh. Sihmanhsehlaw hi a ralchan mi hna lak in pakhat kha a bik in amah sal si awk ah zeitindah Jesuh nih a thim ti kha kan hngalh i, amah cu lamkaltu Paul a si. Cun Jesuh a thihnak in kum thum le a cheu hnu ah, Pathian nih lamkaltu Piter kha Judah mi a si lo mi Kornelias le a innchungkhar mi hna sin i phung chimh awk ah a thlah.
Khi hnu kum 13 ah Paul cu a phungchim khual tlawnnak hmasa bik a thok. A voihnih khual tlawnnak ahcun Timote nih Paul cu a zulh. Paul le a khual tlawnpi hawi cu Pathian rian an ṭuannak ah zeibantuk harnak hna dah an ton ti mi kha kan hngalh rih. A donghnak ah, Paul cu Rom khua i thong chung ah an thlak. Kum hnih hnu ah amah cu an rak thlah, sihmanhsehlaw amah cu thong ah an thlak ṭhan i an thah beh. ṬHEN 7 nak chung i thil hna cu kum 32 chung hrawng ah a tlung mi an si.
IN THIS SECTION
TUANBIA 102
Jesuh A Nung Ṭhan
Vancungmi pakhat nih Jesuh thlan an kharnak lungpi kha a thawn hnuah thlan cawngtu ralkap pawl nih a chunglei an zoh tikah an khuaruah a har tuk.
TUANBIA 103
Hrenhmi Khaan Chungah
A thawhṭhan hnuah a zultu pawl nih Jesuh kha zeicah an hngalh ti lo?
TUANBIA 104
Jesuh Vancung ah a Kir ṭhan
Jesuh nih vancung a kai hlanah a zultu pawl kha hmanung bik nawlbia pakhat a pek hna.
TUANBIA 105
Jerusalem in An Hngah
Jesuh nih Pentekos ni ah zultu pawl kha zeicah thiang thlarau a toih hna?
TUANBIA 106
Thong Chungin An Luat
Judah biaknaklei hruaitu hna nih lamkaltu pawl kha thawngṭha an chim ti nakhnga lo thong ah an rak thlak hna. Asinain Pathian nih timhnak a rak ngei.
TUANBIA 107
Steven Lung In An Cheh
Steven nih an thah lioah zohchunhawk a tlakmi lam in thla a rak cam.
TUANBIA 108
Damaskas Lei Kalnak Lam Cungah
A mit a cawttermi ceunak pakhat le vancung in a theihmi aw nih Saul nunning kha a thlen.
TUANBIA 109
Piter Nih Kornelias A Tlawn
Pathian nih miphun pakhat kha a dang miphun nakin a ṭha deuh tiah a hmu maw??
TUANBIA 110
Timote—Paul Bawmtu Thar
Timote nih inn kha a kaltak i lung cawlcangh awk ngai a simi phungchim rianṭuannak ah Paul kha a rak zulh.
TUANBIA 111
A Ngumi Ngakchiapa Kong
Zutikhas cu Paul nih a pakhatnak phung a chim lioah a rak ngu. A pahnihnak phungchimnak a thawk hlanah khuaruahhar thil a rak cang.
TUANBIA 112
ikulh Pakhat Ah Lawng A Rawk
Kan thi dih cang lai tiah a ruah nain Paul nih Pathian sinin a rami thawngpang pakhat a rak theih.
TUANBIA 113
Paul Rom Ah A Um
Paul nih thong a tlak lio hmanhah a rian kha zeitindah a rak ṭuan khawh?