HƆƆLƲƲ 7
Kpaɣnɩ Yesu Fem nɛ Puwolo Pɔɔlɩ Salaka Taa Sʋʋ
Yesu sɩba nɛ pɩla kɩyakɩŋ naadozo lɛ, pefezi-i. Puwiye maɣmaɣ ɛlɩzɩ ɛ-tɩ nɛ ɛwɩlɩ ɛ-wayɩ tɩŋɩyaa tam kagbanzɩ. Yesu wɛɛ ɛlɩzɩɣ ɛ-tɩ nɛ ɛwɩlɩɣ-wɛ mbʋ kɩyakɩŋ 40. Pʋwayɩ lɛ, ɛkpa ɛsɔdaa ɛ-tɔmkpɛlɩkɩyaa nabɛyɛ ɛzɩdaa. Pɩlabɩ kɩyakɩŋ hiu lɛ, Ɛsɔ tiyini fezuu kiɖeɖeu nɛ kitii Yesu wayɩ tɩŋɩyaa mba paawɛ Yerusalɛm yɔ, pɔ-yɔɔ.
Pituzini ɛzɩdaa lɛ, Ɛsɔ koyindinaa kpa apostoloowaa nɛ pɔtɔ-wɛ salaka. Ɛlɛ Ɛsɔ tiyiyu nɔɔyʋ kɔɔ nɛ ɛlɩzɩ-wɛ. Koyindinaa nabɛyɛ yaɣ Etiyɛɛnɩ kaaŋ nɛ ɛsɩ. Ðɩkaɣ naʋ ɛzɩma Yesu lɩzɩ koyindinaa mba pa-taa lɛlʋ se ɛpɩsɩ ɛ-lɩmɖʋyʋ kɩbanʋ nɔɔyʋ yɔ. Ɛnʋ lɛ apostoloo Pɔɔlɩ. Nɛ Yesu sɩba nɛ pɩla pɩnzɩ naadozo nɛ hɔɔlʋʋ lɛ, Ɛsɔ tiyi apostoloo Pɩyɛɛrɩ se ewolo esusi tɔm Kɔɔrnɛɛyɩ nɛ ɛ-hɔʋ. Pataakɛ Yuda mba.
Pɩlabɩ ɛzɩ pɩnzɩ 13 mbʋ yɔ lɛ, Pɔɔlɩ paɣzɩ wobu nʋmɔʋ nɛ esusuu tɔm. Pɔɔlɩ ɖɛɣaɣ nʋmɔʋ tam nabʋlɛ ɖeɖe se esusi tɔm lɛ, ɛkpɛndɩnɩ Timootee. Ðɩkaɣ naʋ ɛzɩma Pɔɔlɩ nɛ ɛ-taabalaa nʋmɔɖɔnaa lalaa nɩ leleŋ Ɛsɔtɔm susuu nʋmɔʋ taa yɔ. Pʋwayɩ lɛ, pɔkɔɔ pakpa Pɔɔlɩ nɛ paɖʋ salaka Room. Pɩkɔm pɩla pɩnzɩ naalɛ lɛ, peyebi-i. Pʋwayɩ lɛ, patasɩ-ɩ salaka ɖʋʋ nɛ pakʋ-ɩ. Mbʋ mbʋ pɔyɔɔdʋʋ pɩ-tɔm HƆƆLƲƲ 7 taa yɔ, pɩkpɛndɩ pɩnzɩ 32 mbʋ yɔ.
HƆƆLƲƲ KƲNƐ KƖ-TAA
KƐDAƔ 104
Jesus Returns to Heaven
Pʋcɔ nɛ Yesu pɩsɩɣ ɛsɔdaa ɛɖʋ ɛ-tɔmkpɛlɩkɩyaa tʋmɩyɛ sɔsɔɖɛ naɖɩyɛ pɩlɩɩnɩ Ɛsɔ Kewiyaɣ yɔɔ.
KƐDAƔ 105
Paɖaŋ Fezuu Kiɖeɖeu
Ɛbɛ yɔɔ Yesu yeba nɛ fezuu kiɖeɖeu tii tɔmkpɛlɩkɩyaa yɔɔ Pantekooti wiye?
KƐDAƔ 106
Palɩzɩ-wɛ Salaka Taa
TYuuda Ɛsɔ sɛtʋ ñʋndɩnaa ɖɩɣ apostoloowaa salaka se pasɩnzɩ pɔ-tɔm susuu tʋmɩyɛ, ɛlɛ piti lakasɩ nasɩyɩ la.
KƐDAƔ 108
Damaasɩ nʋmɔʋ taa
Ñalɩmɩyɛ nɖɩ ɖɩyʋlʋnzɩ ɛ-ɛsa yɔ nɛ nɔɔ ŋga kɔyɔɔdɩnɩ-ɩ nɛ ɛsɔdaa yɔ piyeba nɛ e-wezuu caɣʋ lɛɣzɩ.
KƐDAƔ 109
Pɩyɛɛrɩ wobi Kɔɔrnɛɛyɩ tɛ
Ɛsɔ ɛsɩndaa lɛ, ɛyaa nabɛyɛ yaa ɛjaɖɛ naɖɩyɛ taa ñɩma mʋ ñɩm nɛ pɩkpaɖɩ ɛjɛɛ lɛɛna taa mba yaa we?
KƐDAƔ 110
Pɔɔlɩ taabalʋ Timootee
Timootee kʋyɩ ɛ-tɛ nɛ ewolo ɛ nɛ Pɔɔlɩ pala tɔm susuu tʋmɩyɛ nɖɩ ɖɩha-wɛ taa leleŋ siŋŋ yɔ.
KƐDAƔ 111
Abalɩbɩɣa ŋga ɖom kpaɣ-kɛ yɔ
Ðom kpaɣ Eticii alɩwaatʋ ndʋ Pɔɔlɩ yɔɔdaɣ samaɣ taa tɔm kajalaɣ ɖeɖe yɔ, ɛlɛ ɖom tɩtasɩ-ɩ kpaɣʋ alɩwaatʋ ndʋ ɛyɔɔdaɣ samaɣ taa tɔm nabʋlɛ ɖeɖe yɔ. Mbʋ pɩɩlabɩ tɔm yɔɔdʋʋ mbʋ pɩ-naalɛ pɩ-hɛkʋ taa yɔ, pɩɩkɛ piti lakasɩ kpem.
KƐDAƔ 112
Mɛlɛ yɔkɩ lɩm hɛkʋ taa tɛtʋ natʋyʋ taa
Alɩwaatʋ ndʋ ɖeyi ɖeyi pa-tɩŋa pacaɣaɣ lebu yɔ Ɛsɔ tɔm natʋyʋ talɩ Pɔɔlɩ nɛ tɩha-ɩ lɩdaʋ.
KƐDAƔ 113
Pɔɔlɩ wɛ Roma
Ɛzɩma Pɔɔlɩ pɩzɩɣ nɛ ewolo pɩ-yɔɔ nɛ ɛla apostoloo tʋmɩyɛ alɩwaatʋ ndʋ ɛwɛ salaka taa yɔ?