EKITSWEKA 7
Erilhubuka lya Yesu Erihika okw’Ibohwa lya Paulo
Okwa kiro ekya kasathu enyuma w’olhuholho lhwiwe, Yesu mwalhubukibwa. Okwa kiro ekyo mwabuthukira abigha biwe mirundi ithanu. Yesu mwongera eributhukirabo ahabw’ebiro 40. Neryo, abaghuma b’okw’abigha biwe babere banathungerere, Yesu mwahethukira elhubulha. Neryo ebiro ikumi enyuma waho, Nyamuhanga mutha omulimu abuyirire w’okw’abigha ba Yesu ababya balindirire e Yerusalemu.
Enyuma waho, esyanzighu sya Nyamuhanga musyahira abakwenda b’omwa muliki, aliriryo malaika mwababoholha. Abahakani mubitha omukwenda Setefano y’omwa mabwe. Aliriryo thuk’igha ngoku Yesu mwasombolha omughuma w’okw’abahakani aba eribya mughombe wiwe ow’embaghane, kandi mwabya omukwenda Paulo. Neryo, ebirimo bisathu n’engegha enyuma sy’olhuholho lhwa Yesu, Nyamuhanga mwathuma omukwenda Petero eriyakangirirya Kornelio oyuthe Muyuda n’erihiika liwe.
Hakuhi ebirimo nga 13 ebya kwamako, Paulo mwatsuka olhughendo lhwiwe lhw’erimbere olhw’erithulhughania engulhu. Okwa lhughendu lhwiwe olhwa kabiri, Timoteo mwakwama Paulo. Thuk’igha ngokwa Paulo na banywani biwe ab’aby’akaghenda nabu mubabana ebindu bingi ebikatsemesaya bakakolera Nyamuhanga. Erighunzerera, Paulo mwahirwa omwa muliki mwe Roma. Enyuma w’ebirimo bibiri mwaboholhwa, aliriryo kandi mwahirwa omwa muliki n’erithibwa. Emyatsi ey’omwa KITSWEKA ekyo 7 muyabya ahabw’obuthuku obulhabire omwa birimo nga 32.
OMWA KATSWEKA KANO
OLHUGHANO 102
Yesu Abirisuba
Omulaika abere abirikumbaghalya eribwe eryabya okw’isinda ya Yesu, abasirikali ababya bakatheya mubasweka bakalhangira ekyabalhangira omwa kathi.
STORY 104
Yesu Akasuba Elhubulha
Yesu athali ahethukira omwa bithu, akaha abigha biwe ekindi kihano ky’erighuzerera.
STORY 106
Bakaboholhawa Erilhua Omwa Muliki
Abakulhu b’edini y’Ekiyuda bakahira abakwenda b’omwa muliki nuku bangaleka erithulira, aliwe Nyamuhanga anawithe ekindi kirengekanio.
OLHUGHANO 108
Okwa Nzira ye Damasiki
Ekyakakalha ekikaletha obulime n’omulenge erilhua elhubulha bikahindulha engebe ya Saulo.
STORY 109
Petero Akabalhamira Kornelio
Mbwino Nyamuhanga akalhangira abandu b’ekihanda kirebe mw’ab’omughaso kwilhaba ekindi kihanda?
OLHUGHANO 110
Timoteo—Omuwathikya Muhya-muhya wa Paulo
Timoteo mwalhua ewabu eriyiyunga oku Paulo okwa lhughendo lhw’erithulira.
OLHUGHANO 111
Omulhwana Oyuwaghotsera
Eutiko mwaghotsera Paulo akalhabya omukania wiwe w’erimbere, aliwe butsira omwa mukania wiwe wa kabiri. Ekyabya ahakathi-kathi k’emikania ibiri kyabya kithiko-thiko.
OLHUGHANO 112
Elyathu Likathwikira Okwa Kizinga
Abandu isibakiwithe maha wosi-wosi w’erisabuka, Paulo akabana omwatsi erilhua oku Nyamuhanga ow’akamuha amaha.
OLHUGHANO 113
Paulo e Roma
Paulo angakolire athi omubiiri wiwe iyo ng’omukwenda kandi iniane omwa muliki?
