മരിച്ചു മൂന്നു ദിവസം കഴിഞ്ഞ്‌ യേശു ഉയിർപ്പി​ക്ക​പ്പെ​ടു​ന്നു. അന്ന്‌ അവൻ വ്യത്യ​സ്‌ത സമയങ്ങ​ളി​ലാ​യി അഞ്ചു പ്രാവ​ശ്യം തന്റെ അനുയാ​യി​കൾക്കു പ്രത്യ​ക്ഷ​പ്പെ​ട്ടു. അടുത്ത 40 ദിവസ​ത്തി​നി​ട​യിൽ പല പ്രാവ​ശ്യം യേശു അവർക്കു പ്രത്യ​ക്ഷ​നാ​യി. പിന്നീട്‌ തന്റെ ശിഷ്യ​ന്മാ​രിൽ ചിലർ നോക്കി​നിൽക്കെ അവൻ സ്വർഗ​ത്തി​ലേ​ക്കു പോയി. പത്തു ദിവസം കഴിഞ്ഞ്‌, യെരൂ​ശ​ലേ​മിൽ കാത്തി​രി​ക്കു​ക​യാ​യി​രുന്ന യേശു​വി​ന്റെ അനുഗാ​മി​കൾക്കു ദൈവം പരിശു​ദ്ധാ​ത്മാ​വി​നെ നൽകി.

പിന്നീട്‌, ദൈവ​ത്തി​ന്റെ ശത്രുക്കൾ അപ്പൊ​സ്‌ത​ല​ന്മാ​രെ തടവി​ലാ​ക്കി; എന്നാൽ ഒരു ദൂതൻ അവരെ വിടു​വി​ച്ചു. ശിഷ്യ​നാ​യ സ്‌തെ​ഫാ​നൊ​സി​നെ എതിരാ​ളി​കൾ കല്ലെറി​ഞ്ഞു കൊന്നു. എന്നാൽ ഈ എതിരാ​ളി​ക​ളിൽ ഒരുവനെ യേശു തന്റെ പ്രത്യേക ദാസനാ​യി തിര​ഞ്ഞെ​ടു​ത്തത്‌ എങ്ങനെ​യെന്ന്‌ നാം കാണും; അവൻ അപ്പൊ​സ്‌ത​ല​നാ​യ പൗലൊസ്‌ ആയിത്തീർന്നു. യേശു മരിച്ച്‌ മൂന്നര വർഷം കഴിഞ്ഞ്‌ ദൈവം അപ്പൊ​സ്‌ത​ല​നാ​യ പത്രൊ​സി​നെ യഹൂദൻ അല്ലാത്ത കൊർന്നേ​ല്യൊ​സി​നോ​ടും അവന്റെ കുടും​ബ​ത്തോ​ടും പ്രസം​ഗി​ക്കാ​നാ​യി അയച്ചു.

ഏതാണ്ട്‌ 13 വർഷം കഴിഞ്ഞ്‌ പൗലൊസ്‌ സുവാർത്ത പ്രസം​ഗി​ക്കു​ന്ന​തി​നു​ള്ള തന്റെ ഒന്നാമത്തെ പര്യടനം ആരംഭി​ച്ചു. അവന്റെ രണ്ടാം യാത്ര​യിൽ തിമൊ​ഥെ​യൊ​സും അവനോ​ടൊ​പ്പം പോയി. പൗലൊ​സി​നും അവന്റെ യാത്ര​ക​ളിൽ കൂടെ പോയ​വർക്കും ദൈവ​സേ​വ​ന​ത്തിൽ ആവേശ​ക​ര​മാ​യ അനേകം അനുഭ​വ​ങ്ങൾ ഉണ്ടായ​തി​നെ​ക്കു​റി​ച്ചു നാം പഠിക്കു​ന്നു. ഒടുവിൽ പൗലൊസ്‌ റോമിൽ തടവി​ലാ​ക്ക​പ്പെ​ട്ടു. രണ്ടു വർഷം കഴിഞ്ഞ്‌ അവൻ സ്വത​ന്ത്ര​നാ​യി. എങ്കിലും അവൻ വീണ്ടും തടവി​ലാ​ക്ക​പ്പെ​ടു​ക​യും കൊല്ല​പ്പെ​ടു​ക​യും ചെയ്‌തു. 7-ാം ഭാഗത്തി​ലെ സംഭവങ്ങൾ ഏതാണ്ടു 32 വർഷത്തി​നി​ട​യിൽ നടന്നവ​യാണ്‌.