Yoliui Jesús niman ontlami ijkuak kitsakuaj Pablo
PARTE 7
Yoliui Jesús niman ontlami ijkuak kitsakuaj Pablo
Ijkuak yopanok yeyi tonajli ika omik, Jesús oyoliuj. Ipan yejon tonajli imixpan inomachtijkauan onoteititi makuilpa. Ipan 40 tonaltin okitakej. Kuakon, ijkuak sekimej inomachtijkauan kitstoyaj, otlejkok iluikak. Ijkuak opanok majtlaktli tonaltin, toTajtsin okinmakak espíritu santo inomachtijkauan Jesús akin nemiyaj Jerusalén.
Sakin, akin kitlauelitayaj toTajtsin okichiujkej ika itlatitlankauan Jesús makintsakuakan, san ika, se iluikaktekitketl okinmakixti. Se inomachtijkauj Jesús akin itoka Esteban, okitemojmotlakej niman okimiktijkej. Noijki tiuelij ika Jesús okitlapejpeni se akin ompa nemiya ijkuak okimiktijkej Esteban, yejua kichiuaskia se ueyi tekitl, okitokayotijkej Pablo itlatitlankauj Jesús. Kuakon, ijkuak opanok yeyi xiuitl uan tlajko ika yomijka Jesús, toTajtsin okititlan Pedro makinojnotsati Cornelio, akin xjudío katka, iuan ichanejkauan.
Opanok kanaj 13 xiuitl, kuakon Pablo kachtopa oyaj okiteijlito kuajli tlajtoltin ipan miyek kalpamej. Ijkuak ika okpa oyaj okuikak Timoteo. Pablo niman akin iuan oyajkej inpan onochiuj miyek tlemach ijkuak kitekichiuiliayaj toTajtsin. Sakin, Pablo okitsaujkej Roma. Ijkuak opanok ome xiuitl okis, san ika, sakin oksejpa okitsaujkej niman okimiktijkej. Ipan Parte CHIKOME opanok kanaj 32 xiuitl.