Monthiki yatatu yononkhia mbae, Yesu watutila. Monthiki yatyo oyo, Yesu amonekela ovalanduli vae ovikando vitano. Yesu watualeleko nokumonekela ovalongwa vae ononthiki 40. Ngotyo, puetyi ankho ovalongwa vae vatala, Yesu walonda keulu. Konyima yononthiki ekwi, Huku wanengulila ospilitu sandu kovalanduli va Yesu ankho vekahi nokukevelela mo Jelusalei.

Konyima, onondyale mba Huku ambupake ono apostolu mokaleya, mahi oandyu imue aiveyovolamo. Estevau watyopua nomamanya no nondyale alo ankhia. Mahi matulilongesa oñgeni Yesu aholovona umue ponondyale mbae ombo opo akale omuumbili wae wakolela. Iya akala o apostolu Paulu. Omanima etatu nomeya konyima yononkhia mba Yesu, Huku watuma apostolu Petulu opo akapopile Korneliu nombunga yae onondaka onongwa Mbouhamba wa Huku.

Konyima yomanima 13 Paulu wahimbika oungendi wae wotete wokuivisa. Moungendi wae wavali, Paulu waya na Timoteo. Matulilongesa oñgeni Paulu no mapanga ae vakala omivo ominyingi nehambu mokuumbila Huku. Okuhulako, Paulu wapakua mokaleya ko Roma. Ayovolwa konyima yomanima evali, mahi Paulu apakwa vali mokaleya iya aipawa. Omahipululo ONTHELE ei ya 7 apita mokuenda kuomanima 32.