Dios a resusitá Hesus riba e di tres dia despues di su morto. Riba e dia ei el a aparesé na su siguidónan na sinku okashon. Hesus a sigui aparesé na nan pa 40 dia. Anto, miéntras ku algun disipel tabata wak, Hesus a subi na shelu. Dies dia despues Dios a drama spiritu santu riba e siguidónan di Hesus ku tabata sperando na Yerusalèm.

Despues, enemigunan di Dios a enkarselá e apòstelnan, pero un angel a libra nan. Enemigunan a piedra disipel Esteban mata. Pero nos lo siña kon Hesus a skohe un di e enemigunan ei p’e bira su sirbidó spesial, kende a bira apòstel Pablo. Anto, tres aña i mei despues di morto di Hesus, Dios a manda apòstel Pedro pa prediká na Cornelio i su famia, kendenan no tabata hudiu.

Rònt di 13 aña despues Pablo a kuminsá su promé biahe pa prediká. Timoteo a kompañá Pablo durante su di dos biahe. Nos lo lesa kon Pablo i su kompañeronan di biahe a pasa momentunan emoshonante den sirbishi di Dios. Finalmente, Pablo a ser enkarselá na Roma. Dos aña despues nan a lag’é sali liber, pero despues nan a ser’é atrobe i a mat’é. E susesonan di PARTI 7 a tuma lugá durante un periodo di mas o ménos 32 aña.