PART 7
Resurrection Bilong Jesus Go Kasem Taem Paul Stap Long Prison
Long mek-thri day bihaen hem dae, Jesus hem resurrect. Long datfala day, hem showim hemseleva long olketa follower bilong hem long faevfala difren taem. Jesus gohed for showim hemseleva long olketa for 40 day. Then, taem samfala disaepol bilong hem lukluk, Jesus hem go ap long heven. Tenfala day bihaen, God pourimaot holy spirit long olketa follower bilong Jesus wea weit long Jerusalem.
Bihaen, olketa enemy bilong God putim olketa aposol long prison, bat wanfala angel mekem olketa kamap free. Samfala wea againstim Stephen killim hem dae. Bat iumi bae lanem hao Jesus chusim wanfala wea againstim hem for kamap spesol servant bilong hem, and hem nao aposol Paul. Then, thri and haf year bihaen long dae bilong Jesus, God sendem aposol Peter for preach long Cornelius.
Samting olsem 13 year bihaen, Paul startim firstfala preaching gogo bilong hem. Long mek-tu gogo, Timothy go witim Paul. Iumi bae lanem hao plande interesting samting happen long Paul and olketa wea gogo witim hem taem olketa servem God. Gogo, olketa putim Paul long prison long Rome. Tufala year bihaen, hem kamap free, bat olketa putim hem long prison moa and killim hem dae. Olketa samting wea happen long PART 7 happen insaed samting olsem 32 year.
LO DISFALA SEKSON
STORY 102
Jesus Hem Laef
Bihaen wanfala angel aotem ston from tomb bilong Jesus, olketa soldia barava fraet fogud taem olketa luk insaed.
STORY 103
Insaed Long Rum wea Lok
Why nao olketa disaepol bilong Jesus no luksavve long hem bihaen hem laef bak?
STORY 104
Jesus Go Bak Long Heven
Bifor Jesus go ap long heven, hem givim olketa disaepol wanfala last komand.
STORY 105
Weit Long Jerusalem
Why nao Jesus pourimaot holy spirit long olketa disaepol long Pentecost?
STORY 106
Kamap Free From Prison
Olketa bigman bilong Jew religion putim olketa aposol long prison for stopem preaching waka, bat God garem difren plan.
STORY 107
Olketa Sutim Stephen Witim Ston
Taem olketa man gohed sutim hem witim ston, Stephen talem wanfala spesol prea.
STORY 108
Long Road for Damascus
Wanfala laet wea shaen big and wanfala voice from heven changem laef bilong Saul.
STORY 109
Peter Visitim Cornelius
Waswe, God tingse pipol bilong wanfala ples moabeta winim pipol bilong narafala ples?
STORY 110
Timothy—Niu Helper Bilong Paul
Timothy lusim hom for go witim Paul long wanfala preaching gogo.
STORY 111
Wanfala Boy wea Sleep
Eutychus hem sleep taem Paul givim first tok bilong hem, bat no taem Paul givim mektu tok bilong hem. Samting wea happen midolwan tufala tok hia hem wanfala mirakol.
STORY 112
Shiprek Long Wanfala Island
Taem luk olsem no wei nao, Paul kasem wanfala message from God wea givim hem hope.
STORY 113
Paul Long Rome
Hao nao Paul savve duim waka bilong hem olsem wanfala aposol taem hem stap long prison?
