I te toru o te ra i muri ake i tona matenga, kua tuakaou mai a Iesu mei te mate. I taua ra ra kua kitea mai aia e tana au pipi e rima taime tukeke. Kua kitea mai aia e ratou no te 40 ra. I reira, i tetai o tana au pipi e akara atura, kua aere atu a Iesu ki te rangi. E tai ngauru ra i muri mai kua riringi mai te Atua i te vaerua tapu ki runga i te au pipi a Iesu e tiaki ra i Ierusalema.

Muri mai, kua tukuia e te au enemi o te Atua te au apotetoro ki roto i te are auri, inara kua tukuia mai ratou e te angera ki vao. Kua peiia te pipi ko Setephano ki te toka kia mate e te aronga patoi. Inara kua apii mai tatou e i akapeea a Iesu i te iki anga i tetai o teia aronga patoi ei tavini akaperepere nona, e kua riro mai aia ko te apotetoro ko Paulo. I reira, e toru e te apa mataiti i muri ake i te matenga o Iesu, kua tono te Atua i te apotetoro ko Petero kia tutu aere ki te tangata kare i te ngati Iuda ko Korenelio e tona ngutuare tangata.

Mei te 13 mataiti i muri mai kua akamata a Paulo i tona tere tutu anga mua. I te rua o tona tere kua piri atu a Timoteo kia Paulo. Kua apii mai tatou e, e maata ua atu te au taime mataora tikai o Paulo e tona au taeake teretere aere i te tavini anga i te Atua. I te openga, kua tukuia a Paulo ki roto i te are auri i Roma. E rua mataiti i muri mai kua tukuia aia ki vao, e oti kua tuku akaouia aia ki roto i te are auri e kua tamateia. Te au tupuanga o te TUANGA 7 kua pou mei tetai 32 mataiti.