CHIKAMU 7
Rumuko rwaJesu Kusvikira Kukuiswa Mutorongo kwaPauro
Pazuva rechitatu pashure porufu rwake, Jesu akamutswa. Pazuva irero akaoneka kuna vateveri vake kashanu kakasianasiana. Jesu akapfuurira kuoneka kwavari kwamazuva 40. Tevere, apo vamwe vavadzidzi vake vachiona, Jesu akakwira kudenga. Mazuva gumi apashure Mwari akadururira mudzimu wake mutsvene pavateveri vaJesu vaimirira muJerusarema.
Gare gare, vavengi vaMwari vakaita kuti vaapostora vaiswe mutorongo, asi ngirozi yakavasunungura. Mudzidzi Stefano akatakwa namabwe navashori vake kusvikira afa. Asi tinoziva masarudzire akaita Jesu mumwe wavashori ava kuva mubatiri wake chaiye, uye akava muapostora Pauro. Tevere, makore matatu nehafu pashure porufu rwaJesu, Mwari akatuma muapostora Petro kundoparidzira Kornerio asiri muJudha neimba yake.
Anenge makore 13 apashure Pauro akavamba rwendo rwake rwokutanga rwokundoparidza. Parwendo rwake rwechipiri Timotio akakumbanira Pauro. Tinoziva kuti Pauro neshamwari dzake dzinofambira vakava sei nenguva dzinonyandura mukubatira Mwari. Pakupedzisira, Pauro akaiswa mutorongo muRoma. Makore maviri gare gare akasunungurwa, asi ipapo akaiswazve mutorongo ndokuurawa. Zvinoitika zveCHIKAMU 7 zvakaitika kwenhambo yamakore anenge 32
ZVIRI MUCHIKAMU CHINO
NHAU 102
Jesu Mupenyu
Pashure pekunge ngirozi yakungurutsa dombo raiva rakavhara guva raJesu, masoja akarinda guva racho anoshamisika paanoona zviri mukati.
NHAU 103
Anopinda Mukamuri Rakakiiwa
Chii chinoita kuti vadzidzi vaJesu vatadze kumuziva pashure pekunge amutswa?
NHAU 104
Jesu Anodzokera Kudenga
Asati adzokera kudenga, Jesu anopa vadzidzi vake mumwe murayiro wekupedzisira.
NHAU 106
Vanosunungurwa Mutorongo
Vatungamiriri vechitendero chechiJudha vakanga vaisa vaapostora mujeri kuti varege kuparidza, asi Mwari akanga aine zvaaivafungira.
NHAU 108
Pamugwagwa wokuDhamasiko
Chiedza chinopenya chinopofumadza Sauro uye inzwi rinobva kudenga zvinochinja upenyu hwake.
NHAU 109
Petro Anoshanyira Kornerio
Mwari anoona vanhu verumwe rudzi kana vekune imwe nyika sevari nani kupfuura vamwe here?
NHAU 111
Mukomana Akabatwa Nehope
Yutiko anobatwa nehope Pauro paaipa hurukuro yake yekutanga, kwete yechipiri. Pane chishamiso chakaitika pakati pehurukuro idzi mbiri.
NHAU 112
Chikepe Chinovhunika Pachiwi
Panguva yavanenge vava kurasa tariro, Mwari anopa Pauro mashoko anomupa tariro.
