KAROLO 7
Tsogo ya ga Jesu go ya Kwa go Golegweng ga ga Paulo
Jesu o ne a tsosiwa mo baswing mo letsatsing la boraro fa a sena go swa. Mo go lone letsatsi leo, o ne a iponatsa mo balateding ba gagwe makgetlo a le matlhano a a farologaneng. Jesu o ne a nna a iponatsa mo go bone ka malatsi a le 40. Go tswa foo, o ne a tlhatlogela kwa legodimong barutwa bangwe ba gagwe ba ntse ba mo lebile. Malatsi a le lesome moragonyana, Modimo o ne a tshololela moya o o boitshepo mo balateding ba ga Jesu ba ba letileng mo Jerusalema.
Morago ga moo, baba ba Modimo ba ne ba dira gore baaposetoloi ba tsenngwe mo kgolegelong, le fa go ntse jalo moengele o ne a ba golola. Baganetsi ba ne ba bolaya morutwa Setefane ka go mo kgobotletsa ka maje. Re ithuta kafa Jesu a ileng a tlhopha ka gone mongwe wa baganetsi bano gore e nne motlhanka wa gagwe yo o kgethegileng, mme motlhanka yoo o ne a nna moaposetoloi Paulo. Dingwaga di le tharo le halofo morago ga loso lwa ga Jesu, Modimo o ne a romela moaposetoloi Petere go ya go rerela monna mongwe yo e seng Mojuda yo o bidiwang Korenelio le ba lelapa la gagwe.
Mo e ka nnang dingwaga di le 13 moragonyana, Paulo o simolola loeto lwa gagwe lwa ntlha lwa go rera. Fa a le mo loetong lwa gagwe lwa bobedi, Timotheo o tsamaya le ene. Re ithuta kafa Paulo le ditsala tsa gagwe tse a neng a tsamaya le tsone ba neng ba nna le dinako tse dintsi tse di itumedisang ka gone fa ba ntse ba direla Modimo. La bofelo Paulo o ne a tsenngwa mo kgolegelong kwa Roma. Dingwaga di le pedi moragonyana o ne a gololwa, le fa go ntse jalo o ne a tsenngwa gape mo kgolegelong mme a bolawa. Ditiragalo tse di mo KAROLO 7 di diragetse mo lobakeng lo lo fetang dingwaga di ka nna 32.
MO KAROLONG ENO
POLELO 102
Jesu o a Tshela
Fa moengele a sena go sutisa leje le le neng le tswetse lebitla la ga Jesu, masole a a disitseng lebitla a ba sala ba gamaregile ka ntlha ya se ba se bonang mo teng.
POLELO 103
Mo Phaposing e e Lotletsweng
Ke eng fa barutwa ba ga Jesu ba sa lemoge gore ke ene fa a sena go tsosiwa?
POLELO 104
Jesu o Boela Legodimong
Pele Jesu a tlhatlogela kwa legodimong, o naya barutwa ba gagwe taelo ya bofelo.
POLELO 105
Ba Letile mo Jerusalema
Ke eng fa Jesu a ile a tshololela moya o o boitshepo mo barutweng ka Pentekosete?
POLELO 106
Ba Gololwa mo Kgolegelong
Baeteledipele ba bodumedi ba Bajuda ba tsenya baaposetoloi mo kgolegelong e le go ba thibela go rera, mme Modimo ene o a ba golola.
POLELO 107
Setefane o Kgobotlediwa ka Maje
Fa Setefane a ntse a bolawa, o rapela thapelo e e sa tlwaelegang. Ke eng se a se buang.
POLELO 108
Mo Tseleng e e Yang Damaseko
Lesedi le le foufatsang le lentswe le le tswang legodimong di fetola botshelo jwa ga Saulo.
POLELO 109
Petere o Etela Korenelio
A Modimo o leba batho ba lotso kgotsa setšhaba se sengwe ba le botoka mo go ba bangwe?
POLELO 110
Timotheo—Mothusi yo Mosha wa ga Paulo
Timotheo o tlogela legae la gaabo gore a tsamaye le Paulo mo loetong lwa go rera lo lo itumedisang.
POLELO 111
Mosimane yo o Neng a Robala
Yutiko o ne a robala fa Paulo a beile puo ya gagwe ya ntlha, mme e seng ka puo ya gagwe ya bobedi. Se se diragetseng magareng ga dipuo tseno tse pedi e ne e le kgakgamatso e kgolo.
POLELO 112
Sekepe se Thubega mo Setlhaketlhakeng
Fela fa botlhe ba ne ba setse ba felelwa ke tsholofelo, Paulo o amogela molaetsa o o tswang kwa Modimong o o mo nayang tsholofelo.
POLELO 113
Paulo Kwa Roma
Paulo a ka kgona go dira tiro ya gagwe ya go nna moaposetoloi jang e le legolegwa?