CIGAŴA 7
Kufuma pa Ciwuka ca Yesu Mupaka pa Kukakika kwa Paulosi
Pakati pajumpha mazuŵa ghatatu Yesu wati wafwa, wakawuka ku ŵakufwa. Pa zuŵa ili wakawoneka ku ŵalondezgi ŵake kwa nyengo zinkhondi zakupambanapambana. Yesu wakalutilira kuwoneka kwa iwo kwa mazuŵa 40. Ndipo pa zuŵa linyake, uku ŵanyake mwa ŵasambiri ŵake ŵakuwona, Yesu wakakwera kucanya. Ghakati ghajumphapo mazuŵa 10, Ciuta wakapungulira mzimu utuŵa pa ŵalondezgi ŵa Yesu awo ŵakalindiliranga mu Yerusalemu.
Mukuluta kwa nyengo, ŵalwani ŵa Ciuta wakapangiska kuti ŵapositole ŵaŵikike mu jere, kweni mungelo wakaŵawuskamo. Ŵanthu ŵakususka ŵakadinya musambiri Stefano na malibwe mupaka wakafwa. Kweni tisambilenge umo Yesu wakasankhira yumoza wa ŵakususka aŵa kuti waŵe muteŵeti wake wapadera, ndipo wakazgoka mpositole Paulosi. Pakati pajumpha vilimika vitatu na hafu kufuma pa nyifwa ya Yesu, Ciuta wakatuma mpositole Petrosi kuti wakapharazge kwa Korneliyo uyo wakaŵa Muyuda yayi pamoza na nyumba yake yose.
Vilimika 13 pamanyuma pake Paulosi wakamba ulendo wake wakwamba wakukapharazga. Timote wakaluta nayo pa ulendo wake waciŵiri. Tisambirenge umo Paulosi na awo wakendanga nawo ŵakaŵira ŵakukondwa nyengo zinandi pakuteŵetera Ciuta. Paumaliro pake, Paulosi wakakakika mu Roma. Vilimika viŵiri pamanyuma pake wakasuturika, kweni wakakakikaso na kukomeka. Vyakucitika vya mu CIGAŴA 7 vikatora pafupifupi vilimika 32.
MU CHIGAŴA ICHI
NKHANI NAMBARA 103
Mu Cipinda Cakukiya
Chifukwa wuli ŵasambiri ŵakamumanya yayi Yesu wati wawuskika?
NKHANI NAMBARA 104
Yesu Wakawelera Kucanya
Pambere Yesu wandalute kuchanya, wakaŵapa ŵasambiri ŵake ntchito yakuti ŵachite.
NKHANI NAMBARA 105
Kulindilira mu Yerusalemu
Chifukwa wuli Yesu wakapungulira mzimu utuŵa pa ŵasambiri pa Pentekoste?
NKHANI NAMBARA 106
Kufumiskika mu Jere
Ŵalongozgi ŵa chisopo cha Chiyuda ŵakaŵika ŵapositole mu jere kweni Chiuta wakaŵawonanga mu nthowa yinyake.
NKHANI NAMBARA 108
Pa Msewu Wakuya ku Damaseko
Ungweru ukuru kweniso mazgu ghakufuma kuchanya ndivyo vikasintha umoyo wa Saulosi.
NKHANI NAMBARA 109
Petrosi Wakacezgera Korneliyo
Kasi Chiuta wakuwona ŵanthu ŵa mtundu unyake panji fuko kuŵa ŵakuzirwa kuluska ŵanyake?
NKHANI NAMBARA 110
Timote—Movwiri Muphya wa Paulosi
Timote wakaleka chikaya chakwake kuti wakapharazge na Paulosi.
NKHANI NAMBARA 111
Msepuka uyo Wakasiwanga
Yutuko wakasiwa apo Paulosi wakayowoya nkhani yake yakwamba kweni kachiŵiri wakasiwa yayi. Pa nyengo iyo wakadumbanga nkhani ziŵiri izi pakachitika munthondwe.
NKHANI NAMBARA 112
Ngaraŵa Yikasweka pa Cirwa
Apo wose ŵakaghanaghana kuti mbwenu kwamara, Paulosi wakapokera uthenga kufuma kwa Chiuta uwo ukamupa chigomezgo.
NKHANI NAMBARA 113
Paulosi Wakaŵa ku Roma
Kasi wakachitanga wuli ntchito yake yakupharazga nangauli wakaŵa mu jele?