КЕЗЕК 7

Иисустуң дирилгенинден Павелдиң кара-бажыңнаткан үезинге чедир

Үш дугаар хүнде Иисусту өлүглерден диргискен. Ол-ла хүн бодунуң талалакчыларынга ол беш катап келген. Ынчалдыр оларга ол 40 хүн көзүлген. Ооң соонда чүгле каш өөреникчизиниң караанга дээрже үне берген. А 10 хүн эрткенде ол үе дургузунда Иерусали́мге турган Иисустуң талалакчыларын Бурган ыдыктыг сүлде-биле бүргедипкен.

Сөөлзүредир Бурганның дайзыннары апостолдарны кара-бажыңнап каапкан, ынчалза-даа оларны дээрниң төлээзи хостапкан. Стефа́н деп өөреникчини даштар-биле өлүр соп каапкан. Ынчалза-даа Иисус ол удурланыкчыларның бирээзин бодунуң тускай бараалгакчызы кылдыр шилип алган деп, билип алыр бис, ол апостол Павел болу бээр. Иисус өлген соонда үш чартык чыл эрткенде, Бурган апостол Пётрну иуде́й эвес Корни́лий деп кижиге база ооң улузунга суртаалдаар кылдыр чортупкан.

А 13 чыл болганда Павел бодунуң бирги суртаалдаар аян-чоруунче үнүпкен. Ийиги аян-чоруунга аңаа Тимофе́й каттышкан. Павел болгаш ооң эштериниң аян-чоруунуң үезинде таварышкан сагыш-сеткилди доюлдуруптар болуушкуннар дугайында билип алыр бис. Соонда Павелди Римге кара-бажыңга олуртуп каан. Ийи чыл болгаш ону хостапкан, ынчалза-даа катап олурткаш шаажылап каан. ЧЕДИГИ кезекте болуушкуннар 32 хире чыл дургузунда болуп турар.