Fizaran̈a 7

Rango Jesosy Natsangana Tamy Maty Ziska Paoly Nigadra

Telo andra nifatesan’i Jesosy, izy natsangana tamy maty. Tamin’andra io, indimy izy niboaka tamy mpianatranany. Jesosy niboaka tamin-drô tan̈atin’ny 40 andra. Andra araiky, sasany tamy mpianatranany mbala nizaha fo, Jesosy nanonga an-dan̈itry. Folo andra tafaran’izen̈y, Zan̈ahary nandatsaka fan̈ahy masin̈y tamy mpianatra Jesosy niambin̈y ta Jerosalema.

Tafaran’izin̈y, apostoly aby io nigadra, kanefa nisy anjely nan̈avotro irô. Nisy olo tsy tia Stefana, mpianatra Jesosy araiky. Izy nitoran-drô vato, zisk’izy naty. Atsika mbala hianatra karakôry nataon’i Jesosy nifidy araiky tamy fahavalony aby io, hanjary mpanomponany. Koa fa nandeha andra, Apostoly Paoly an̈arany. Telo taon̈o sy tapany tafaran’ny nifatesan’i Jesosy, Zan̈ahary nan̈iraka apostoly Petera hitory tamy Kornelio, ndreky olo tran̈o araiky taminany. Irô io tsy jiosy.

Kadiriny 13 taon̈o tafaran’izen̈y, Paoly nan̈ano diabe hitory. Tamy diany fan̈indroeny, Timoty niaraka taminany. Atsika hianatra raha maro nahazo Paoly ndreky kamaradiny aby io tamy fanompoan̈a Zan̈ahary. Tamy farany, Paoly nigadra ta Roma. Taon̈o aroe tafaran’izen̈y, izy nafaka gadra, kanefa nigadrain̈y ndreky koa, baka iô nivonen̈a. Fizaran̈a FAHAFITO ty mitantara raha nandalo tan̈atin’ny 32 taon̈o iô.