MBALI 7
Kwimuka ku Ŵawe kwa Yesu Mpaka Ukayidi wa Paulo
Pali papite masiku gatatu ciwile Yesu, jwalakwe akwimuka ku ŵawe. Palisikuli akuwonecela kwa ŵakulijiganya ŵakwe kakwana kamsano pandaŵi syakulekanganalekangana. Yesu ŵajendelecele kuwonecela kwa jemanjaji kwa masiku 40. Kaneko, ŵakulijiganya ŵakwe ŵane ali mkulola, jwalakwe akwawula kwinani. Kaneko pali papite masiku 10, Mlungu ŵapelece msimu wakwe weswela kwa ŵakulijiganya ŵa Yesu ŵaŵaliji mkulindilila mu Yelusalemu.
Kaneko, acimmagongo ŵa Mlungu ŵawugalile ŵandumetumeŵa m’nyumba ja ukayidi, nambo lilayika lyakopwesye. Ŵakusisya ŵam’wuleje jwakulijiganya Sitefano mwakumponya maganga. Nambo citulijiganyesoni yayatendekwe Yesu paŵamsagulaga jwine mwa ŵandu ŵakusisyawo kuti aŵe jwakutumicila jwakwe jwakusosekwa mnope. Jwalakweju ŵaliji ndumetume Paulo. Kaneko, pali papite yaka yitatu ciwile Yesu, Mlungu ŵamtumisye ndumetume Petulo kukulalicila kwa mundu jwanganaŵa m’Yuda, Koneliyo, yimpepe ni liŵasa lyakwe.
Pali papite yaka 13, Paulo ŵatandite ulendo wakwe wandanda wakulalicila. Paulendo wakwe waŵili Timoteyo ŵaliji nawo yalumo. Citulijiganye yakusangalasya yejinji yaŵasimanaga nayo Paulo ni acimjakwe ŵaŵajendaga nawo pakutumicila Mlungu. Kumbesi kwakwe, Paulo ŵam’ŵisile m’nyumba ja ukayidi ku Loma. Pali papite yaka yitatu ŵamgopwele, nambo kanekosoni ŵam’ŵisile m’nyumba ja ukayidi, kaneko ŵam’wuleje. Yakutendekwa ya mu MBALI 7 yikujigala yaka ciŵandika 32.
MU MBALI AJI
NGANI 102
Yesu Ali Cijumi
Panyumba pakuti lilayika lityosisye liganga palilembe lya Yesu, asilikali akutenda woga mnope pakulola yayikutendekwa mkatimo
NGANI 103
Kwinjila mu Cipinda Cewugale
Ana ligongo cici ŵakumkuya ŵa Yesu nganammanyililaga Yesu paŵajimwice ku ŵawe?
NGANI 104
Yesu Akuwujila Kwinani
Yesu mkanajawule kwinani jwapelece kwinani, jwapelece lilamusi limpepe lyakumalisya kwa ŵakumkuya ŵakwe
Ngani 105
Kwembeceya mu Yelusalemu
Ligongo cici Yesu ŵapele msimu weswela ŵakumkuya ŵakwe pa Pentekote?
NGANI 106
Akwakoposya M’nyumba ja Ukayidi
Acimlongola ŵa dini ŵa Ciyuda akwaŵika ŵandumetume m’nyumba ja ukayidi pakusaka kwalekasya kulalicila, nambo Mlungu pana yakusaka kutenda.
NGANI 108
Pamsewu Wakwawula ku Damasiko
Kuŵala kwamacili soni maloŵe gakutyocela kwinani yacenjile umi wa Saulo.
NGANI 109
Petulo Akwawula Kwa Koneliyo
Ana Mlungu akusawuwona mtundu wine wa ŵandu kuŵa wakusosekwa mnope kupunda wine?
NGANI 110
Timoteyo, Jwakamucisya Jwasambano jwa Paulo
Timoteyo jwatyosile kumangwakwe ni kwawula kukulalicila yimpepe ni Paulo.
NGANI 111
Mcanda Juŵagonile
Yutiko akugona Paulo ali mkuŵeceta ngani jandanda ngaŵaga jaŵili. Yayatendekwe mkati mwa ngani siŵilisi yaliji yakusimonjesya.
NGANI 102
Yesu Ali Cijumi
Panyumba pakuti lilayika lityosisye liganga palilembe lya Yesu, asilikali akutenda woga mnope pakulola yayikutendekwa mkatimo