HETA mite hi Isua zirtirte an ni a. A thu an awih a, Jerusalem-ah an awm a. Tin an vaia an nghah laiin, in pum pui chu ri ring takin a khat a. Thli na deuh tleh ri ang a ni. Tin zirtirte lu chung theuhvah chuan mei alh lei ang deuh a lo Jang a. An chung th euh va meialh hi i hmu em? Eng tihna nge ni hlawm?

Thil mak a ni! Isua chu vanah a Pa hnenah a kir tawh a, a zuitute chungah Pathian thlarau thianghlim a leih a ni. Chu thlarau chuan enge a tihtir i hria em? An vaiin tawng danglamin an tawng ta a ni.

Jerusalem-a mipui tam takin thli na deuh ri ang chu an hria a, enge lo ni ta tih en turin an lo kal a. Mipui thenkhat chu Israelmite Pentikost Kut hmang tura lo kal hnam danga mite an ni. Chung mikhualte chuan mak an va ti em! Pathian thiltih mak zirtirten anmahni tawnga an sawi chu an hria a ni.

‘Heng mite hi Galili mi vek an ni a. Engtinnge ni kan lo kalna rama mi tawng hrangtea an tawng theih?’ mikhualte chuan an ti a.

Anmahni hrilhfiah turin Petera a ding a. Ring taka auvin Isua tihhlum a nih dan leh mitthi zing ata Jehovan a kaitho tih mipui chu a hrilh a. ‘Isua chu tunah, vanah, Pathian dinglamah a awm a. A tiam tawh angin thlarau thianghlim chu a rawn leih ta a ni. Chuvang chuan heng thilmakte hi in hmuin in hria a nih hi,’ Peteran a ti a.

Chung thilte chu Peteran a sawi laiin, mipui tam takin Isua chunga an tih tawh chu pawi an ti a. ‘Enge kan tih ang?’ tiin an zawt a. Peteran: ‘ln nun in thlakthlenga baptisma in chan a ngai,’ tiin anmahni a hrilh a. Tichuan chumi ni ngei chuan mi 3,000 velin baptisma an chang ta a. Isua zuitu an lo ni ta a.