Petero Ni Korinelio Ni Andrizu Ri
A’DIKO 109
Petero Ni Korinelio Ni Andrizu Ri
PA SOPI di Petero i azini eri ma agyika pie eri vutia. Te agu di si kumuti va Petero ma drilea a’du e’yo si ya? Le ma ’yo e’yo ’dinile ri ra ya? Mini agu nde ra ya?
Agu di Korinelio i. Eri asikari Rumi ni ma ambo. Korinelio nini ndra Peteroni ku, te ’ba ’yo eri nima omve Petero ni i vule akua. Ama ma isu nga di ’ye i ngoni ngoni ya ri.
’Ba Yesu vuti bipi oko ’diyi ndra ’ba Yahudi ni ’diyi, te Korinelio o’ani Yahudioni ku. Te le ndra Mungu saaru ani ri ndra eri zi dika e’yo onyini ’diyi ’ye ’ba Munguni ma rua. O’du azini alu, malaika Munguni nga imu eri vu ’yo eri tia: ‘Mungu o’a ayikosi ’yeta mini si ani eri nga zita mini omvi ra. E’yo disi mi pe ’ba mini ’diyi ma ti muzu agu azi omvele Petero i ri vu. Eri o’a Yopa aku Simone ni miri tia ria.’
Coti Korinelio nga ’ba ini ’diyi ti pe Petero ni omvezu. Drusi ’dini ’ba nde ’diyi ni caria Yopaa, mine Petero ni de bua jo Simone ni ma dria. Mungu nga fe Petero ne bongo azini amboru engazu buarisi ekile eri ede va nile. Bongo nde ’da ma alea, anyapa wura dria yi ’da. Azita Munguni si anyapa ’diyi dria ondiru te o’duko nga ’yo kini: ‘Mi nga uru Petero. Mi o’di anyapa ’diyi mi nya yi.’
Petero nga omvi: ‘Yo! Anyani drio afa ondiru ’dinile riku.’ O’duko nga ’yo eri tia: ‘Mi ku afa Munguni omvele alari omvezu ondiru ja.’ E’yo di ’ye i pale na. Petero ni nga asisile droria e’yo di madria ria mi ne ’ba Korinelio ni ti epele ’diyi nga efi joa Petero ni zizu.
Petero nga isi jo sia risi ’yo kini: ‘Ma ’ba emi ni nda ri i. Emi emu dia a’du e’yo siya?’ ’Ba nde ’diyi ni eceria Petero dri kini, malaika Munguni ’yo Korinelio ma omve Petero ni muzu i vile akua, ani Petero nga a’i muzu ra. Drusi dini Petero pi nga mu a’gyi erini ’diyi be Kaisaria aku Korinelio nia.
Korinelio nga ori’ba i’ni ’diyi ki tra a’gyika I’ini ’diyi pie dria i vile akua. Petero ka eca ’bo, Korinelio nga dri fuzu eribe. Nga kumuti si va Petero ma drilea ekile mini ne di le. Te Petero ’yo eri tia: ‘Mi nga uru ma ’ba ada tro tro mile.’ Ada Biblia e’da amadri kini ’ba ada inzizu ri onzi. Le ama ma inzilu Yehova ni a’dule.
Petero nga di e’yo olu ’ba eyi trapi ’diyi tia. Petero ’yo kini: ‘Mungu a’i ’ba dria i rupi ’diyi ra.’ Eri ni nga e’yo nzeria, Mungu epe orindi alatararu i ni ma ti eyi dria dria ani ’ba joa ’da di edoki e’yo nze ti ndu ndu si. E’yo di fe ’ba ti opele Yesuni emupi Petero be ’diyi ni osuta saaru, a’dusiku ni ega kini Mungu le lu ’ba Yahudi ni ’diyi a’dule dini. Ani ngaki ni kini Mungu le ni ’ba suru alu ma alea ’diyi aga azi ’diyi ki ra dini ku. ’Da ovuni e’yo azi kilili ru ama ni eco ega ra dini le ni ku ya?
