TAQSIṬ TIS 110

Timuti, amɛiwen ajdid n Bulus

ILEMẒI i teţwaliḍ dagi d wemceggeɛ Bulus isem-​is Timuti. Yeţɛici neţţa ţ-​ţwacult-​is di temdint n Listra. Yemma-​s isem-​is Anisa ma d jida-​s Lwiza.

Teẓriḍ acu akka yeqqar Bulus i Timuti? La s-​yeqqar: ‘Tebɣiḍ aţ-​ţedduḍ yid-​nneɣ, nekk akk-​d Silas akken a ɣ-​tɛiwneḍ a nberreḥ i lɣaci di temdinin ibeɛden?’

Timuti yerra-​yas: ‘Anɛam, bɣiɣ ad dduɣ yid-​wen.’ Mi gɛedda cwiṭ n lweqt, Timuti yeǧǧa tawacult-​is, iṛuḥ d Bulus akk-​d Silas. Lameɛna uqbel a d-​nehdeṛ ɣef uṣafer-​nsen, a nwali d acu yeḍran d Bulus mbeɛd mi s-​d-​iḍher Ɛisa deg webrid n Dimecq 17 n sna uqbel.

Tecfiḍ? Di lweqt-​nni, Bulus yella iteddu ɣer temdint n Dimecq iwakken ad iqher inelmaden n Ɛisa. Lameɛna, akken i t-​nwala yuɣal d anelmad-​is! Umbeɛd, kra n yeɛdawen qellben ad nɣen Bulus axaṭer ur ḥemmlen ara ayen isɣaray ɣef Ɛisa. Meɛna inelmaden gren-​t zdaxel n uqecwal, ṣubben-​t si ṣṣur i d-​izzin i temdint-​nni iwakken ad yerwel.

Kra n lweqt umbeɛd, Bulus iṛuḥ ad iberreḥ di temdint n Antyuc. Dinna i ţţusemman inelmaden n Ɛisa tikkelt tamezwarut “imasiḥiyen”. Ssyin, Bulus d Barnabas ţţuceggɛen ɣer tmura tibeṛṛaniyin iwakken ad berrḥen. Ẓran-​d aṭas n temdinin. Yiwet seg-​sent d Listra, anda akken yezdeɣ Timuti.

Mi gɛedda wazal n useggas. Bulus yuɣal ɣer temdint n Listra deg uṣafer-​ines wis sin. Aseggas uqbel neţţa d Barnabas i gṛuḥ ɣer din iwakken ad berrḥen. Ma ţ-​ţikkelt-​a, neţţa d werfiq-​is Silas i gṛuḥ.

Si temdint n Listra, Timuti yedda d Bulus akk-​d Silas. Teẓriḍ sani i ṛuḥen? Muqel lkarṭa-​yagi.

Di tazwara ṛuḥen ɣer temdint n Ikunyum i sen-​d-​iqerben. Umbeɛd ṛuḥen ɣer Antyuc, ɣer Truwas, ɣer Filibus, ɣer Tiṣalunik akk-​d Biri. Twalaḍ tamdint n Atinya ɣef lkarṭa-​yagi? Bulus iberreḥ dinna. Umbeɛd ṛuḥen ɣer temdint n Kurintus anda i berrḥen aseggas d nnefṣ. Ɣer taggara leḥqen ɣer temdint n Ifasus anda i qqimen cwiṭ n lweqt kan. Syenna rekben di lbabuṛ iteddun ɣer temdint n Qiṣarya. Mbeɛd ɛeddan ɣer temdint n Antyuc anda yeqqim Bulus.

Aṭas aṭas n kilumitrat i gṣufer Timuti akken ad iɛiwen Bulus deg uberreḥ n “lexbaṛ n lxiṛ”. Sbedden daɣen aṭas n tjemmuyaɛ timasiḥiyin. Tebɣiḍ aţ-​ţiliḍ d aqeddac unṣiḥ n Ṛebbi am Timuti asm’ara timɣureḍ?

Lecɣal 9:19-30; 11:19-26; ixef wis 13 alamma d wis 17; 18:1-22.

[Lkarṭa, asebter 110]

(Ẓer tazmamt)

Ṛuma

Malṭa

Tiṣalunik

Biri

Kurintus

Filibus

Atinya

Kritus

Truwas

Ifasus

Mili

Kulus

Antyuc

Ikunyum

Listra

Antyuc

Qubṛus

Dimecq

Qiṣarya

Yafu

Yarucalim

LEBḤEṚ AMEQRAN (AGRAKAL)