AJU kuʼxin tkuʼx toj tilbʼilal tukʼe apóstol Pablo atzun Timoteojo. Atz najle Timoteo kyukʼex tuj tja atz toj Listra. Eunice tbʼi tnan ex Loida tbʼi tyaʼ.

Chʼixle tikʼ jun abʼqʼi kyikʼlen Pablo tukʼe Bernabé tnejel maj pakbʼal tzalu tuj Listra. Ma meltzʼaj juntl maj Pablo tzalu tukʼex Silas aju tamiw.

¿Nel tnikʼe tiʼ in xi tqʼamaʼn Pablo te Timoteo? ‹Tajbʼila tuʼn ttzaje qukʼile›, xi tqanen Pablo te Timoteo. ‹Jaku tzʼoniye qiʼje tuʼn t-xi pakbʼet Tyol Dios kye txqantl xjal te junjuntl tnam›.

‹Jako chinxe›, chi Timoteo xi ttzaqʼweʼn. Tuʼntzunju, tej tikʼ chʼintl ambʼil xiʼ Timoteo tukʼe Pablo ex Silas. Tnejel kʼelel qnikʼ tiʼ ikʼ tiʼj apóstol Pablo, yajxitl kelel qnikʼ tiʼj Timoteo tej t-xiʼ tukʼe Pablo ex Silas. Tuj ambʼil aju, otaqxi tzikʼ 17 abʼqʼi atxix tej tkubʼ tyekʼin tibʼ Jesús twitz Pablo toj tbʼeyel Damasco.

Qa naʼnx tuʼne, pon Pablo tuj Damasco tuʼn tok tbʼinchaʼn mya bʼaʼn kyiʼj t-xnaqʼtzbʼen Jesús ¡pero ax ikx te ok te t-xnaqʼtzbʼen Jesús! Yajxitl, kyajtoq ajqʼoj tuʼn tkubʼ kybʼiyoʼn Pablo, Atzen qejo txqantl t-xnaqʼtzbʼen Jesús e onin tiʼj tuʼn ttzaqpaj. Kutz kyqʼoʼn toj jun chiʼl tiʼjxi tmuro tnam, iktzun tzaqpajju.

Yajxitl ikʼ Pablo pakbʼal tuj Antioquía. Atz tzalu ok qʼoʼn kybʼi qeju t-xnaqʼtzbʼen Jesús te okslal tnejel maj. Ax ikx atz tuj Antioquía xi samaʼn Pablo ex Bernabé tuʼn kyxiʼ pakbʼal kyoj qejo tnam najchaq (laqʼche) ateʼqetoq. Jun tnam kyxol qe jlu aju Listra jatumeltaq in nanqʼina Timoteo.

Tej tikʼ chʼixmilo jun abʼqʼi xi samaʼn Pablo juntl maj tuʼn tikʼ tuj Listra. Atzun ambʼil jlu tej tetz Timoteo tukʼe Pablo ex Silas, ¿bʼiʼn tuʼne jatumel i exa? Kinkuxe toj tilbʼilal tuʼntzen tel qnikʼ tiʼj.

Tnejel i eʼx tuj Iconio, aju niqayin taʼ, i extzuntl toj juntl tnam ax ikx Antioquía tbʼi. Yajxetl i eʼx tuj Troas, ax ikx e ikʼ toj Filipos, tuj Tesalónica ex toj Berea. Qʼonk twitze tiʼj Atenas aju tkuʼx tuj tilbʼilal. Pakbʼan Pablo atztzu. Ax ikx pakbʼan jun abʼqʼi tukʼe mij (nikʼjan) atz tuj tnam Corinto. Yajxitl e kyaj nya nim ambʼil toj Éfeso. E aj meltzʼajtzuntl tuj bark tuʼn kypon toj Cesarea. Ex e jax tuj Antioquía atz jatumel kyaja ten Pablo.

Nimxix bʼet Timoteo tuʼn tonin tiʼj Pablo tuʼn t-xi pakbʼet aju «tbʼanel tqanil» ex tzyet tuʼn t-xi qeʼ (xkye) nim congregación kyuʼn. ¿Okpetzele kʼokel teya te jun tbʼanel ajbʼel te Dios ik tzaʼn Timoteo aj tchʼiye?