Karileo Azi ni O’du Kozu Ri
A’DIKO 111
Karileo Azi ni O’du Kozu Ri
KAKA! Adu ni i ’ye dia ni ya? Karileo i lapi va ’di ovu ni onzi onzi ku ya? Mi ne, ’ba etupi joa risi ’diyi ma azi alu ri Paulo i! Mi eco vini Timoteo ni ne ra ya? Adri ni mva di ede derisa arisi va ku ya?
Ee, da i bani e’yo i ’yepi ri i. Paulo ni ndra e’yo olu ’ba Yesu vuti bipi ’diyi pi dri Troasia. Eri ni ndra di ’yezu dri dazu obosi drusi dini risi azini eri ni nira kini i ngani dri fuzu ’ba nde ’diyi pie mbele ru kurisi, Paulo nga di e’yo nze kpere sa azia inisi.
Ani karileo omvele Eutiko i ri ndra derisaa coti o’du nga eri ’be ra. E’dozu gorofa na ri si ’dale, e’de derisa sia risi va! Mi eco di ni ’ba daki urisi a’du e’yo siari ra. ’Ba nde ’dayi ni mva nde ’di i i’duzuria, mi ne de dra bo!
Paulo ni mva nde neria dra bo, nga a’vu eri madria eri amvuzu agatisi. Nga ’yo: ‘Emi ma uri ku! Mva di ri muke!’ E’yo azi yo! Di tali ni! Paulo enga mva di ri idri ru dika! Ayiko nga di o’bi ongulumu ru ’diyi fu saaru.
Nga ki di tu woro bua gorofa sia nyaka nyazu. Te Paulo mu drile e’yo oluzu kpere obitisi. Te Eutiko awini o’du ko dika ku! Paulo pi Timoteo be azini ’ba acipi eyi pie di be ngaki tu obo alea aci edozu ra. Te mi ni yi ki mu nguari ra ya?
Paulo ni aci ini e’yo oluzu pale na deria azini eri di dri daria akua. Aci Paulo ni ma alea, o’a aku Efeso ni alea eli na. Aci erini nazo ri zo aga irizu ri ra.
Erini Troasi ni kuzo ’bori ma vatia, so pa were Miletua. Efeso ni o’azu Miletu ma ageyia nyiarisi, Paulo nga ’ba ’wara kanisa ni Efesoa ’diyi omve i ni ecozu e’yo nzezu eyi pie asizu beni. Obo ni dri koria Paulo pie, ba nde o’aki candisi Paulo ni eyi kuzo risi!
Asizu o’bo nde nga eca Kaisaria. Paulo ni o’aria ’ba Yesu vuti bipi Filipo dri akua, nabi Agaba nga eri bile ndu li. Nga ’yo Paulo ka nga ca Yeruslemua ’bo, ’ba nga eri ’ba arujoa ecekokoru. Ada Paulo ni caria ’dale ’bo, e’yo di ’ye i ra. Paulo ni o’azu arujoa Kaisaria dia eli iri ’bo ri ma vutia, ’ba nga eri ji Kaisari opi Rumi ni ma drilea e’yo lizu. Ama ma ne nga a’du e’yo ’ye i geri Rumi nia ni’ani.
