ПЛЪАГЪУРЭ, Павел и Іэм Іэхъулъэхъу илъщ, рим сэлэтми къыбгъэдэту къехъумэ. Иджыпсу Павел Римым щыІэ лъэхъуэщым исщ. Ар поплъэ цезарым абы кърищІэнумкІэ унафэ щищІынум. Павел лъэхъуэщым исми, абы и деж цІыхухэр къакІуэ хъунущ.

Римым зэрыщыІэрэ ещанэ махуэ щыхъум, Павел кърегъэблагъэ иудейхэм я пашэхэр. Абы и деж къокІуэ Римым щыпсэу иудей куэд. Павел абыхэм Хьисэрэ Алыхьым и пащтыхьыгъуэмрэ теухуауэ куэд яжреІэ. Зыгуэрхэм абы жиІэр я фІэщ мэхъури Хьисэ и гъуэгу тоувэ, зыгуэрхэми я фІэщ хъукъым.

Хэту пІэрэ мы стІолым бгъэдэсу тхэр? ПщІэрэ? НтІэ — Тимофейщ. ХъыбарыфІыр зэригъэІум щхьэкІэ, Тимофеи лъэхъуэщым исащ, ауэ иджы ар щхьэхуитщ. Мыбы къыщІэкІуар Павел дэІэпыкъун щхьэкІэщ. ПщІэрэ иджыпсту абы итхыр сытми? ИІэт къэдгъащІэт.

ПщІэжрэ 110 хъыбарыр зытепсэлъыхьа Филиппи къалэмрэ Ефесымрэ? А къалэхэм Хьисэ и гъуэгу ирикІуэхэм я зэхуэс щекІуэкІыну Павел къызэригъэпэщащ. Иджы, лъэхъуэщым здисым, Павел абыхэм письмо яхурегъэхь. Ахэр Библием итщ «Ефес къалэм дэсхэм», «Филиппи къалэм дэсхэм» жиІэу. Мэуэ иджыпсту Павел Тимофей жриІэурэ хуригъэтхыу аращ Хьисэ и гъуэгу ирикІуэу Филиппи къалэм дэс и къуэшхэм письмо.

Филиппи дэсхэм Павел фІы куэд къыхуащІащ. Лъэхъуэщым здисым абы саугъэт гуэр къыхурагъэхьащ. Абы щхьэкІэ Павел абыхэм фІыщІэ яхуещІ. Сэугъэтыр къэзыхьар Епафродитщ. Ауэ ар иужьыІуэкІэ сымаджэ хьэлъэ хъури, лІэ пэтащ. Иджы ар нэхъыфІ къэхъужащ, куэд дэмыкІыуи унэм игъэзэжынущ. Павелрэ Тимофейрэ я письмори здихьынущ. Лъэхъуэщым исыху Павел Библием щыщу иджыри письмоитІ етх. Зыр — Колоссэ къалэ дэс Хьисэ и гъуэгу ирикІуэхэм. ПщІэрэ абы и цІэр? «Колоссэ къалэм дэсхэм». ЕтІуанэр зыхуригъэхьар Павел и ныбжьэгъу дыдэу Колоссэ дэс Филимонщ. Письмор теухуащ Филимон и пщылІ Онисим.

Онисим Филимон къигъанэщ, щІэпхъуэжри Рим кІуат. Зыгуэрурэ абы къищІащ мыбы лъэхъуэщым Павел зэрисыр. Арати, Павел илъэгъуну къыщыкІуэм, Павел абы хъыбарыфІыр жреІэр. Куэд дэмыкІыу Онисими Хьисэ и гъуэгу тоувэ. Иджы ар хущІогъуэж зэрыщІэпхъуэжам. НтІэ, пщІэрэ, Павел Филимон хуитхыр сытми?

Ар Филимон йолъэІу Онисим ищІар хуигъэгъуну. «Онисим ныпхузогъэкІуэж,— жреІэ Филимон.— Ар пщылІ къудейкъым, атІэ иджыри Хьисэ и гъуэгу теува ди къуэшыфІщ». Колосс щигъэзэжым, Онисим а письмоитІыр яхуздехьыж: зыр — колоссхэм, ардейр — Филимон. Къызыщыгъэхъут Филимон зэрыгуфІар, и пщылІ Онисим Хьисэ и гъуэгу зэрытеувар къыщищІам.

Филиппи дэсхэмрэ Филимонрэ письмо щахуитхым яжриІэну пэжу хъыбарыфІ дыдэ Павел иІэщ. «Тимофей ныфхузогъакІуэ,— яжреІэ филиппи дэсхэм Павел. — Куэд дэмыкІыу сэри сынэкІуэнущ фи деж». Филимони йолъэІу, къыщыувыІэн щІыпІэ къыхуигъуэтыну.

Павел щхьэхуит хъужа нэужь, Хьисэ и гъуэгу ирикІуэ и къуэш и шыпхъухэр щыпсэу щІыпІэ зэмылІэужьыгъуэ куэд къызэхекІухь. Ауэ итІанэ Павел аргуэру Рим лъэхъуэщым ирагъэтІысхьэж. Мы зы гъуэгу зэраукІынур абы ещІэр. Абы щхьэкІэ Тимофей абы и деж къэкІуэну письмо хуетх. Письмом щыжеІэ: «Алыхьым сыхуэпэжу сыкъэнащи, Алыхьым и тыгъэр къызитынущ»,— жеІэри. Павел зэраукІрэ илъэс бжыгъэ дэкІа нэужь, Иерусалим етІуанэу зэхакъутэ, мы зы гъуэгу — рим дэсхэм.

Абыхэм и закъуэкъым Библием итыр. Алыхьым хуигъэушри апостол Иуан иригъэтхащ Библием и иужьрей тхылъхэр, Апокалипсисри хэту. Абы итщ къэкІуэнур. ИІэт къэтщІэнти, къэкІуэнум сыт къытхуздихьынуми.