Abantu te kuti balande ifikacitika ku ntanshi. Lelo Baibolo ilatweba ifyacitike kale ne fikacitika ku ntanshi. E calenga twishibe ukuti Baibolo yafuma kuli Lesa. Bushe Baibolo ilanda ati finshi fikacitika ku ntanshi?

Ilanda ati kukaba inkondo iikalamba iya kwa Lesa. Iyi inkondo ikafumyapo ifyabipa pa calo kumo na bantu ababipa, lelo ababombela Lesa bakapusuka. Yese Kristu, Imfumu iyo Lesa asala, akalenga ababomfi ba kwa Lesa ukuba no mutende ne nsansa. Tabakulalwala nangu ukufwa.

Tulomfwa bwino ukwishiba ukuti Lesa akalenga icalo ukuba paradaise. Lelo tulingile ukulacita fimo ifingalenga tukekale mu paradaise. Mu lyashi lya kulekelesha muli cino citabo, tukasambilila pa fyo tulingile ukucita pa kuti tukekale mu calo umukaba ifisuma fyeka fyeka ifyo Lesa atulaya. Kanshi belenga ICIPANDE 8 pa kuti wishibe ifikacitika ku ntanshi ifyo Baibolo yalandapo.