Mbimbiliya yishi kusolola wika yishima yamwenemwene yize yapwile ku matangwa akunyima ka, alioze, yinambe nawa hakutwala ku yuma yize muyikapwa kulutwe lia matangwa. Atu kechi kuhasa kulumbununa yuma yize muyiza kulutwe lia matangwa. Kashika yetwe tunanyingika ngwo Mbimbiliya yili Liji lia Zambi. Yika Mbimbiliya yinambe hakutwala kulutwe lia matangwa?

Yinambe hakutwala ku yimwe jita yinene ya Zambi. Ha jita yacho, Zambi makachiza upi weswe hano hashi ni atu api, alioze makafunga atu waze akumwononokena. Mwanangana wa Zambi, Yesu Kristu, makasela ushindakenyo hanga atu ja Zambi apwe ni ukulungunga hamwe ni uwahililo, nawa hanga ayo achine kuyiza chipwe kufwa.

Yetwe mutuhasa kuwahilila ngwo Zambi makalinga paraisu yaha hano hashi, nyi ngwami? Alioze, yetwe chatutamba kulinga chimwe chuma, nyi tunazange kutwama mu paraisu yacho. Ha chishima cha kusongo mu mukanda uno, mutulilongesa yize chatutamba kulinga mba tutambule yiwape yinji yize Zambi anatulikila waze akumwononokena. Kashika, tanga CHIHANDA 8 hanga uwane yuma yize Mbimbiliya hiyinambe hakutwala ku matangwa a kulutwe.