Jeee akɛ Biblia lɛ wieɔ anɔkwale yɛ nɔ ni ba yɛ blema lɛ he kɛkɛ, shi moŋ ewieɔ nɔ ni baaba wɔsɛɛ hu he. Adesai nyɛŋ atsɔɔ nɔ ni baaba wɔsɛɛ. No hewɔ ni wɔle akɛ Biblia lɛ jɛ Nyɔŋmɔ ŋɔɔ lɛ. Mɛni Biblia lɛ kɛɔ yɛ wɔsɛɛ he?

Ewieɔ Nyɔŋmɔ ta wulu ko he. Nyɔŋmɔ baatsuu shikpɔŋ nɛɛ he kɛjɛ efɔŋfeemɔ fɛɛ mli, ni ebaajie mɛi fɔji fɛɛ hu, shi ebaabu mɛi ni sɔmɔɔ lɛ lɛ ahe. Nyɔŋmɔ maŋtsɛ, Yesu Kristo, baakwɛ ni Nyɔŋmɔ tsuji ana toiŋjɔlɛ kɛ miishɛɛ mli ŋɔɔmɔ, ni hela mɔŋ amɛ dɔŋŋ, ni amɛgboiŋ hu.

Wɔbaanyɛ wɔna miishɛɛ akɛ Nyɔŋmɔ baafee paradeiso hee yɛ shikpɔŋ nɛɛ nɔ, aloo jeee nakai? Shi kɛji akɛ wɔbaahi nɛkɛ paradeiso nɛɛ mli lɛ, no lɛ esa akɛ wɔfee nɔ ko. Wɔbaakase nɔ ni esa akɛ wɔfee bɔni afee ni wɔna nibii ni yɔɔ naakpɛɛ ni Nyɔŋmɔ esaa eto eha mɛi ni sɔmɔɔ lɛ lɛ mli ŋɔɔmɔ yɛ wolo lɛ naagbee nikasemɔ lɛ mli. No hewɔ lɛ kanemɔ Fã KPAANYƆ ni otao nɔ ni Biblia lɛ kɛɔ yɛ wɔsɛɛ he.