BAHIN 8
Ang Ginatagna sang Biblia Nagamatuod
Ang Biblia wala lamang nagasugid sang matuod nga sugilanon sang natabu sa nagligad, kundi sang matabu man sa palaabuton. Amo kon ngaa nahibal-an ta nga ang Biblia gikan sa Dios. Ano ang ginasiling sang Biblia tuhoy sa palaabuton?
Nagasugid ini tuhoy sa dakung inaway sang Dios. Sa sining inaway, tinloan sang Dios ang duta sa tanan nga kalainan, apang amligan niya ang iya mga alagad. Pat-uron sang hari sang Dios nga si Jesucristo, nga ang mga alagad sang Dios magaagom sing paghidait, kalipay, kapagros kag walay katapusan nga kabuhi.
Dili bala kita malipay nga ang Dios magahimu sing bag-ong paraiso sa duta? Apang dapat may himuon kita agod makapuyo sa sining paraiso. Gani basaha ang BAHIN 8 kag hibaloa kon ano ang dapat himuon naton kag ang ginatagna sang Biblia para sa palaabuton.
SA SINI NGA SEKSION
SUGILANON 114
Ang Katapusan sang Tanan nga Kalainan
Ngaa ipadala sang Dios ang iya hangaway nga ginapangunahan ni Jesus sa inaway sang Armagedon?
SUGILANON 115
Bag-ong Paraiso sa Duta
Nag-istar ang mga tawo sang una sa paraiso sa duta, kag matabo ina liwat.
SUGILANON 116
Kon Paano Kita Magkabuhi sing Dayon
Hustuhan na bala ang pagkilala lamang kay Jehova kag kay Jesus? Kon indi, ano pa ang kinahanglan?