ORUPA 8

Imbi Ombeibela mbi i hunganeka vi rira ouatjiri

Ombeibela i tupa omahungi watjiri ohunga na imbi mbya tjitwa morukapitaveze nu wina i tu raera imbi mbi mavi katjitwa moruyaveze. Ovandu kave yenene okuhunganeka oruyaveze. Mena ranao eṱe opu tu tjivirwa kutja Ombeibela ya za ku Mukuru. Ombeibela i hungira tjike ohunga noruyaveze?

Oyo i hungira ohunga novita ovinene vyaMukuru. Movita mbi Mukuru ma kakohorora ehi kouvi auhe novandu ovavi, nungwari eye ma yama imba mbe mu karera. Ombara ndja zikwa i Mukuru, Jesus Kristus, mai tjiti kutja ovakarere vaMukuru ve kakare nohange nouṋingandu, nokutja ave ha roro okuvera rukwao poo okukoka.

Eṱe matu yenene okukara nenyando kutja Mukuru ma ungura oparadisa kombanda yehi. Poo vii? Nungwari eṱe tu notjiṋa tji twa sokutjita kutja tu yenene okukakara moparadisa ndji. Mehungi esenina rembo ndi matu kerihonga kutja twa sokutjita tjike kutja tu kayorokere oviṋa oviwa Mukuru mbya ṱunina imba mbe mu karera. Okutja lesa ORUPA 8 nu u konḓonone imbi Ombeibela mbi ya hunganeka ohunga noruyaveze.