AḤRIC WIS 8

Ayen akk iɣef i d-​iheddeṛ Wedlis Iqedsen iḍerru s ṣṣeḥ

Adlis Iqedsen ur d-​inni ara kan tideţ ɣef wayen yeḍran zik. Ihdeṛ-​ed ula ɣef wayen ara yeḍrun ɣer zdat. Imdanen ur zmiren ara ad ẓren ayen i d-​iteddun. Ɣef waya i neḍmen belli Adlis Iqedsen sɣur Ṛebbi i d-​yekka. D acu i d-​yenna Wedlis Iqedsen ɣef wayen i d-​iteddun?

Adlis Iqedsen iţmeslay-​ed ɣef yiwet n lgirra tameqrant n Ṛebbi. Di lgirra-​yagi, Ṛebbi ad ibrez lqaɛa seg yemcumen d cceṛ meṛṛa yellan fell-​as. Lameɛna ad iḥareb ɣef wigad i gqeddcen fell-​as. Ɛisa Lmasiḥ, agellid i gextaṛ Ṛebbi, ad ixdem kullec akken ad stummnen iqeddacen n Ṛebbi s lehna d lfeṛḥ. Ula d lehlak d lmut ur ţţuɣalen ara a ten-​ḥazen.

Acḥal i nefṛeḥ imi ara yexdem Ṛebbi lǧennet tajdiṭ ɣef lqaɛa! Lameɛna ilaq a nexdem yiwet n lḥaǧa ma nebɣa a nɛic di lǧennet-​agi. Di teqsiṭ taneggarut n tektabt-​agi, a nwali d acu i ɣ-​ilaq a nexdem akken a nestummen s leḥwayeǧ timelḥanin i ghegga Ṛebbi i wid iqeddcen fell-​as. Ɣer ihi aḥric wis tmanya iwakken aţ-​ţafeḍ ayen yuran deg Wedlis Iqedsen ɣef wayen ara yeḍrun ɣer zdat.