MOmbibeli kamu na ashike omahokololo oshili e na sha nonakudiwa, ndele otai popi yo shi na sha naasho tashi ka ningwa monakwiiwa. Ovanhu itava dulu oku xunganeka osho tashi ka ningwa po monakwiiwa. Nomolwaasho otu shi shii kutya Ombibeli oya dja kuKalunga. Ombibeli oya xunganeka shike shi na sha nonakwiiwa?

Oya xunganeka shi na sha noita inene yaKalunga. Pefimbo loita oyo, Kalunga ota ka xulifa po owii aushe kombada yedu nosho yo ovakolokoshi aveshe, ndele ota ka amena ovo have mu longele. Jesus Kristus, e li ohamba ya nangekwa po kuKalunga, ota ka fya oshisho opo ovapiya vaKalunga va ka kale mombili nova kale ve udite elao. Itava ka yahama vali noitava ka fya vali nande.

Inatu hafa mbela eshi Kalunga ta ka ninga edu oparadisa? Ndele otu na okuninga po sha, ngeenge otwa hala oku ka kala moparadisa oyo. Mehokololo laxuuninwa lembo eli, ohatu ke lihonga kutya oshike tu na okuninga opo tu dule oku ka hafela oinima ikumwifi oyo Kalunga ta ka pa ovo have mu longele. Onghee hano, lesha oshitukulwa 8 opo u mone kutya Ombibeli oya xunganeka shike shi na sha nonakwiiwa..