Immikkoortoq 8
Biibilimi siulittuutit eqquuttussat
Biibilip qangarsuaq pisimasut ilumoortumik oqaluttuariinnanngilai, aammali oqaatigalugu qanoq siunissatsinni pisoqarumaartoq. Uagut inuit siunissarput siulittuutigisinnaanngilarput. Taamaammat nalunngilarput Biibili Guutimeersuusoq. Biibilimi qanoq oqarpa siunissarput pillugu?
Guutip sorsunnissarsua oqaluttuaraa. Guutip sorsunnermini nunarsuarput salinniarpaa ajussuseq inuillu ajortut peersillugit, imminulli kiffartuussisut sernissussavai. Guutip kunngiutitaata, Jesus Kristusip, isumagissavai Guutip kiffaasa eqqissinartumik inuunissaat pilluarnissaallu, napparsimasoqaqqinnginnissaa toqusoqaqqinnginnissaalu.
Nuannaarutigisariaqarparput Guuti paratiisimik nutaamik nunarsuatsinni pilersitsiniarmat, ilaa? Uagulli nammineerluta iliuuseqartariaqarpugut paratiisimi inoorusukkutta. Atuakkap atuagassartaata kingullerpaartaani tusassavarput qanoq iliuuseqartariaqartugut Guutip kiffaminut iliuuseriniagai nuanneqisut misigerusukkutsigik. IMMIKKOORTOQ 8 atuariaruk paasiniarlugulu Biibilip siunissarput qanoq oqaluttuarigaa.
IMMIKKOORTUMI UANI
OQALUTTUAQ 114
Ajussuseq peerneqassaaq
Sooq Guutip sakkutuuni Jiisusimit siulersorneqartut Harmagedonimi sorsukkiartortippai?
OQALUTTUAQ 115
Nunami paratiisi nutaaq
Inuit Paratiisimi inuunikuupput, tassanilu inuuleqqikkumaarlutik.
OQALUTTUAQ 116
Qanoq ililluta naassaanngitsumik inuulersinnaasugut
Jehova Jiisusilu pillugit ilisimanninneq naammappat? Taamaanngippat suna aamma pisariaqarpa?