တၢ်နီၤဖး ၈
တၢ်လၢ လံာ်စီဆှံကတိၤဆိတ့ၢ်ပာ်တဖၣ် ဟဲကဲထီၣ်ဝဲ အဂ့ၢ်
လံာ်စီဆှံန့ၣ် တမ့ၢ်အကွဲးဝဲဒၣ်ထဲ တၢ်စံၣ်စီၤတဲစိၤအဂ့ၢ်လၢ အမၤတ့ၢ်အသးတဖၣ်န့ၣ်ဘၣ်. ကွဲးဖျါထီၣ်စ့ၢ်ကီး တၢ်ကမၤအသးတဖၣ်လၢ ခါဆူညါန့ၣ်လီၤ. တၢ်ကမၤအသးလၢဆူညါဒ်လဲၣ်န့ၣ် ပှၤကညီတဲတဘၣ်ဘၣ်. လၢတၢ်အံၤအဃိ ပစံးသ့လၢ လံာ်စီဆှံန့ၣ် ဟဲလၢယွၤအအိၣ်လီၤ. ဘၣ်ဃးခါဆူညါန့ၣ် လံာ်စီဆှံတဲပာ်ဝဲဒ်လဲၣ်.
တဲပာ်ဝဲတၢ်ဒုးဖးဒိၣ် လၢအလီၤဘီလီၤမုၢ်အဂ့ၢ်စ့ၢ်ကီးန့ၣ်လီၤ. ဖဲတၢ်ဒုးလီၤဘီလီၤမုၢ်ဖးဒိၣ်အံၤန့ၣ် ကစၢ်ယွၤကမၤဟးဂီၤ ကယဲၢ်ပှၤလၢတဂ့ၤတဖၣ်ဒီး တၢ်အၢတၢ်သီခဲလၢာ်န့ၣ်လီၤ. သနာ်က့ ကစၢ်ကဒီဒၣ်အိၣ်ပှိၤ ပှၤလၢအဘူၣ်ထီၣ်ဘါထီၣ်အီၤတဖၣ်န့ၣ်လီၤ. စီၤပၤယ့ၣ်ၡူးခရံာ် လၢယွၤဖှူအီၤန့ၣ် ကကျဲၤန့ၢ်ဝဲကစၢ်ယွၤအခ့အပှၤတဖၣ် ဒ်သိးကအိၣ်ဘၣ်ဝဲသ့ၣ်လၢ တၢ်သူၣ်ဖှံသးညီ ဒီးတၢ်မုာ်တၢ်ခုၣ်အပူၤန့ၣ်လီၤ. ကမၤန့ၢ်ဝဲတုၤလၢ တၢ်ဆူးတၢ်ဆါ, တၢ်သံတၢ်ပှၢ် တအိၣ်လၢၤဘၣ်န့ၣ်လီၤ.
ပသးခုသ့လၢ ကစၢ်ယွၤကမၤအိၣ်ထီၣ်န့ၢ်ပှၤ ပၤရဒံစူးအသီလၢ ဟီၣ်ခိၣ်ချၢန့ၣ်လီၤ, တမ့ၢ်ဘၣ်ဧါ. ဘၣ်ဆၣ် ပမ့ၢ်အဲၣ်ဒိးအိၣ်လၢ ပၤရဒံစူးအဝဲန့ၣ်အပူၤန့ၣ် ပကဘၣ်မၤတၢ်တခါခါလီၤ. ပူလၢခံကတၢၢ်လၢ လံာ်အံၤအပူၤန့ၣ် ပကမၤလိဘၣ် တၢ်လၢပကဘၣ်မၤတဖၣ်, ဒ်သိးပကဒိးန့ၢ်ဘၣ် တၢ်လၢယွၤမၤပာ်ဝဲလၢ ပှၤလၢအဘူၣ်ထီၣ်ဘါထီၣ်အီၤတဖၣ်အဂီၢ် န့ၣ်လီၤ. ဒ်န့ၣ်အဃိ ဖး တၢ်နီၤဖး ၈ ဒီး ဃုသ့ၣ်ညါတၢ်လၢ လံာ်စီဆှံကတိၤဆိပာ်ဝဲ ဘၣ်ဃးဒီးခါဆူညါန့ၣ်တက့ၢ်.
တၢ်ဂ့ၢ်လၢလာ်တဖၣ်
ပူ ၁၁၄
တၢ်အၢတၢ်သီခဲလၢာ် အကတၢၢ် အဂ့ၢ်
ဘၣ်မနုၤအဃိ ကစၢ်ယွၤ ဃုထၢထီၣ်ယ့ၣ်ၡူးလၢကတီခိၣ်ရိၤမဲဝဲ အသုးမုၢ်လၢ အၢ်မက့းဒိၣ်တၢ်ဒုးအံၤအဂီၢ်လဲၣ်.
ပူ ၁၁၅
ပၤရဒံစူးအသီ လၢဟီၣ်ခိၣ်လီၤ အဂ့ၢ်
ပှၤဟီၣ်ခိၣ်ဖိအိၣ်ဘၣ်လၢ ဟီၣ်ခိၣ်ပၤရဒံစူးတဘျီ ဒီးကကဲထီၣ်က့ၤအသးတဘျီကဒီး.
ပူ ၁၁၆
ကအိၣ်မူဘၣ်လီၤထူလီၤယိာ်အဂီၢ် ကဘၣ်မၤမနုၤလဲၣ် အဂ့ၢ်
ပသ့ၣ်ညါ ယဟိဝၤယွၤဒီးယ့ၣ်ၡူးန့ၣ် လၢပှဲၤလံဧါ. မ့ၢ်တလၢပှဲၤန့ၣ် ပကဘၣ်မၤဒ်တၢ်မနုၤလဲၣ်.