Bibeli kapi azi gava tupu esimwititi lyosili kuhamena eyi ya horokere nare, nye kutanta hena eyi ngayi ka horoka komeho. Vantu kapi ava diva meho. Eyi yiyo twa divira asi Bibeli kwa tunda kwaKarunga. Yinke za tanta ko Bibeli kuhamena komeho?

Azo kwa tanta kuhamena yita yaKarunga yoyinene. Moyita eyi, Karunga nga ka zeresa evhu koudona naunye ntani nokovantu wovadona, nye age nga popera ava ava mu karere. Hompa gwaKarunga, Jesus Kristusa, nga ka divilisa asi vakareli vaKarunga va ka hafere mbili nehafo, ntani kapi hena ngava ka vera ndi va fe.

Ose kuvhura tu hafe morwa Karunga nga ka rugana paradisa zompe pevhu, ndi ngapi? Nye ose twa hepa kurugana ko yuma nsene tuna hara kukaparuka moparadisa ezi. Mesimwititi lyokuhulilira mobuke tatu lirongo asi yinke natu rugana yipo tu ka hafere yininke yoyiwa eyi nga ka pa Karunga vantu ava ava mu karere. Resa nye RUHA 8 o tare asi yinke za pumba ko Bibeli kuhamena meho.