KUNKU KIA 8
Mana Kezayisanga Nkand’a Nzambi Melungananga
Nkand’a Nzambi ke uyikanga kaka lusansu lwakieleka lwa mambu mabwa kuna nz’ankulu ko, kansi uzayisanga mpe mambu mebwa kuna sentu. Wantu ke balendi zayisa mambu mebwa ku sentu ko. Ikuma tuzayidi wo vo Nkand’a Nzambi kwa Nzambi kieleka watuka. Ameyi kevovanga Nkand’a Nzambi mu kuma kia ku sentu?
Ukutuzayisanga oma ma vita ya lumbu kianene kia Nzambi. Nzambi ovelelesa e nza muna mbi ye umpumbulu wawonso, kansi, otanina awana bekunsadilanga. Yesu Kristu wa ntinu kasola o Nzambi, osadisa nkangu a Nzambi wakala ye luvuvamu ye kiese, ke beyela diaka ko ngatu fwa.
Tufwete mona e kiese wau vo o Nzambi ovanga paradiso yampa ova ntoto. Kansi, ovo tuzolele zingila muna paradiso yayi tufwete vanga diambu. Muna lusansu lwansuka lwa nkanda wau tulongoka dina tufwete vanga muna vwa mawete kelundanga o Nzambi mu kuma kia awana bekunsadilanga. Ozevo, tanga KUNKU kia 8 wazaya mana kezayisanga Nkand’a Nzambi mu kuma kia zingu kia ku sentu.
MU KUNKU KIAKI
LUSANSU LWA 114
Mbaninu a Mambi Mawonso
Ekuma Nzambi kefidila e vu kia makesa mandi mana mefilwa kwa Yesu mu nuana muna vita ya Armangedo?
LUSANSU LWA 115
Paradiso Yampa ova Ntoto
O wantu bazinga kala muna Paradiso, kuna sentu bezinga diaka muna Paradiso ova ntoto.
LUSANSU LWA 116
Aweyi Olenda Zingila Yakwele Mvu
Nga divavanga kaka vo twazaya Yave yo Yesu? Avo ke wau ko, nkia diambu diankaka tufwete vanga?
