ESELE 8

E’yo Biblia ni Ondri ’Diyi Ecaki Adaru

Biblia luni amani e’yo ndra eyi ’yepi drio ’bo ’diyi a’dule ku te lu vini amani e’yo nga mupi eyi ’yepi ewu driale ’diyi ma alea ’diyi indi. ’Da i bani asisile amani nizu Biblia enga Mungu vu ri. Biblia nze amani e’yo ewu driale ri ma dria ngoni ya?

Nze amani e’yo a’di Munguni ma dria. A’di ’di ma alea Mungu ni nga e’yo onzi dria ’ba onzi ’diyi pie ’diyi de ra, te eri nga ’ba azi ngapi I dri ’diyi opa ra. Opi Mungu vile Yesu Kristo ni nga ne kini, ’ba dria Mungu ni ’diyi ma esu ayiko azini asianzu adari ra, dika azo ma obi eyi ki kaniku ma odra ki ’dini ku.

Ama ecoki ovu ayikosi Munguni paradisi o’diru edezu nyakua risi ra, ’dini ku ya? Te le ama ma ’yeki e’yo azi ra aka le o’a paradisi ’di ma alea ra ria. A’diko asizu buku ’di ma alea ria ama oni le ama ma ’ye a’du afa ni ecozu ayiko Mungu ni otu amani ’diyi nyazu beni. Ani e’yo ’disi mi ma la ESELE 8 ri mini ecozu e’yo Biblia ni ondri ’diyi onizu.