ONTHELE YA 8
Atyiho Ombimbiliya Yapopia Matyifuisuapo
Ombimbiliya kaipopi vala omahipululo otyotyili kombinga yetyi tyapita konyima. Tupu ipopia kombinga yetyi matyikapita komutue. Ovanthu kavetyivili okupopia etyi tyikahi komutue. Moluotyo, tuanoñgonoka okuti Ombimbiliya Ondaka ya Huku. Oityi Ombimbiliya ipopia kombinga yetyi tyikahi komutwe?
Ombimbiliya itupopila kombinga yovita ovinene via Huku. Movita ovio Huku makanyima kombanda yoohi ovivi aviho no nondingavivi. Mahi, makaamena vana vekahi nokumuumbila. Ohamba ya Huku Yesu Kristu, makaetela ovaumbili va Huku ombembwa nehambu. Tupu kamavakavela vali ni kavakankhia vali.
Tupondola okuhambukwa, mokonda Huku ma-kalinga ouye omupe kombanda yoohi. Ine katyi-tuhambukiswa? Mahi, tuesukisa okulinga otyipuka tyimue, inkha tuhanda okukala mouye oo omupe. Mehipululo liahulako liomukanda ou, matukelilongesa oityi tuna yokulinga opo tukamone ovipuka oviwa Huku apakela vana vemuumbila. Moluotyo, tanga ONTHELE ya 8, opo unoñgonoke etyi Ombimbiliya ipopia kombinga yovipuka mavikapita komutue.
MONTHELE EI
EHIPULULO 114
Onthyulilo Yovipuka Aviho Ovivi
Omokonda yatyi Huku matumina Sesusi novita viae vakalwe mo Alumangedom?
EHIPULULO 115
Ouye Omupe Pano Pohi
Pano pohi pali-ale omphangu yombembwa, iya ovanthu mavakakala vali momphangu yombembwa.
EHIPULULO 116
Oñgeni Tupondola Okukala Nomuenyo Wahapu?
Okunoñgonoka vala ovo Siovaa na Sesusi tyituuka, ine tuna vali etyi tuna okulinga?
