GAWO 8
Bzomwe Bibliya Limbapicira Bzimbacitikadi
Bibliya limbandolewa lini bza nkhani zacadidi zakucitika kale-kale. Koma limbatiuzambo bzomwe bzin’dzacitika kutsogoloku. Wanthu wangalewe lini bzakutsogolo. Ndipopa tin’dziwa kuti Bibliya ndakucokeradi kwa Mulungu. Kodi Bibliya limbalewa ciani bzakutsogolo?
Limbalewa bza nkhondo ikulu ya Mulungu. Pa nkhondoyo, Mulungu an’dzacenesa dziko la pansi pa uipi bwense na wanthu wakuipa. Tsono an’dzakhotcerera womwe wambamutumikira. Mambo wa Mulungu, Jezu Kristu, an’dzawonesesa kuti atumiki wa Mulungu wapfatse na mtendere na cikondweso, na kuti waleke kudzaduwala pomwe na kufa.
Tingakomedwe kuti Mulungu an’dzakonza paraizo munango pansi pano, nandi? Tsono bzin’funika ticite cinthu cibodzi penu tin’funa kudzakhala m’paraizomo. Mu nkhani yakumalizira ya bukhuli, tin’dzapfunza bzomwe ticite kuti tidzapfatse na bzinthu bzabwino bzomwe Mulungu ankukoyera womwe wambamutumikira. Tenepo, lewenga Gawo LACISERELI, ucidziwa bzomwe Bibliya lidaleweratu bzakutsogoloku.
MU GAWOLI
NKHANI 114
Kumala Kwa Uipi Bwense
Kodi n’thangwe ranyi Mulungu an’dzatumiza anyankhondo wace mwakutsogoleredwa na Jezu pa nkhondo ya Armagedo?
NKHANI 115
Paraizo Munango Pansi Pano
Wanthu an’dzakhala pomwe na moyo pansi pano, acidzapfatsa na moyo.
NKHANI 116
Momwe Tingakhalire Na Moyo Wakusaya Kumala
Kodi kundodziwa bza Jezu na Yahova n’kwakukwanira? Penu ne, kodi n’ciyani cinango comwe tin’funika kucita?
